حاجیو آؤ شہنشاہ کا روضہ دیکھو
کعبہ تو دیکھ چکے کعبے کا کعبہ دیکھو
Hajiyo aao Shahenshah ka roza dekho
Kaaba to dekh chuke Kaabe ka Kaaba dekho
رُکنِ شامی سے مِٹی وحشتِ شامِ غربت
اَب مدینے کو چلو صبح دِل آرا دیکھو
Run-e-Shami se miti wahshat-e-shaam-e-ghurbat
Ab Madine ko chalo subah dil aara dekho
آبِ زمزم تو پیا خوب بُجھائیں پیاسیں
آؤ جُودِ شہِ کوثر کا بھی دَریا دیکھو
Aab-e-Zamzam to piya khoob bujhaen piaseen
Aao jood-e-Shah-e-Kausar ka bhi darya dekho
زیرِ میزاب ملے خو ب کرم کے چھِینٹے
ابرِ رحمت کا یہاں زور برسنا دیکھو
Zair-e-Mezab mile khoob karam ke chheente
Abr-e-rehmat ka yahaan zor barasna dekho
دُھوم دیکھی ہے درِ کعبہ پہ بیتابوں کی
ان کے مشتاقوں میں حسرت کا تڑپنا دیکھو
Dhoom dekhi hai dar-e-Kaaba pe betabon ki
Un ke mushtaqon mein hasrat ka tarapna dekho
خوب آنکھوں سے لگایا ہے غلافِ کعبہ
قصرِ محبوب کے پردے کا بھی جلوا دیکھو
Khoob aankhon se lagaya hai ghilaf-e-Kaaba
Qasr-e-mahboob ke parde ka bhi jalwa dekho
واں مطیعوں کا جِگر خوف سے پانی پایا
یاں سیہ کاروں کا دامن پہ مچلنا دیکھو
Waan muteeon ka jigar khauf se paani paaya
Yaan siya karon ka daaman pe machalna dekho
بے نیازی سے وہاں کا نپتی پائی طاعت
جوش رحمت پہ یہاں ناز گنہ کا دیکھو
Be-neiazi se wahaan kanpti payi taat
Josh-e-rehmat pe yahaan naaz gunaah ka dekho
زینتِ کعبہ میں تھا لاکھ عروسوں کا بناؤ
جلوہ فرما یہاں کونین کا دُولھا دیکھو
Zeent-e-Kaaba mein tha laakh arooson ka banaao
Jalwa farma yahaan kownain ka dolha dekho
دھوچکا ظلمتِ دِ ل بوسہّ سنگِ اَسوَد
خاک بوسئ مدینے کا بھی رُتبا دیکھو
Dhochuka zulmat-e-dil bosa-e-sang-e-Aswad
Khaak bosi-e-Madine ka bhi rutba dekho
جمعہء مکہ تھا عید اہلِ عبادت کے لئے
مجرمو آؤ یہاں عیدِ دو شنبہ دیکھو
Jummah-e-Makka tha eid ahl-e-ibadat ke liye
Mujrimo aao yahaan eid-e-do shamba dekho
ملتزّم سے تو گلے لگ کے نکالے ارماں
ادب و شوق کا یاں باہم اُلجھنا دیکھو
Multazim se to gale lag ke nikaale armaan
Adab o shauq ka yaan bahem ulajhna dekho
اَوّلیں خانہء حق کی تو ضیائیں دیکھیں
آخریں بیتِ نبی کا بھی تجلّا دیکھو
Avleen khana-e-Haq ki to ziaaen dekheen
Akhreen bait-e-Nabi ka bhi tajalla dekho
غور سے سُن تو رضاؔ کعبہ سے آتی ہے صدا
میری آنکھوں سے مرے پیارے کا روضہ دیکھو
Ghaur se sun to Raza Kaaba se aati hai sada
Meri aankhon se mere pyare ka roza dekho
Share This Naat
Share with friends and family
حاجیو آؤ شہنشاہ کا روضہ دیکھو
احمد رضا خان بریلوی