ماہِ میلاد ہے اک دعا مانگ لیں
بس درِمصطفٰیؐ پر قضا مانگ لیں
maah-e-milad hai ek dua maang lein
bas dar-e-Mustafaؐ par qaza maang lein
وہ خدا کی عطا وہ قسیمِ عطا
آؤ قاسم کے در سے عطا مانگ لیں
woh Khuda ki ata woh Qaseem-e-ata
aao Qasim ke dar se ata maang lein
ان کو ہر شے کی کثرت عطا ہو گئی
آنے والے خدا جانے کیا مانگ لیں
un ko har shai ki kasrat ata ho gai
aanay walay Khuda jaane kya maang lein
ہر جگہ جن کو صحبت ملی آپ کی
کچھ انہی سے ہی صدق و صفا مانگ لیں
har jagah jin ko sohbat mili aap ki
kuch unhi se hi sidq o safa maang lein
عدل و انصاف ہی جن کی پہچان ہے
عدل کی ان سے کچھ تو ضیا مانگ لیں
adl o insaf hi jin ki pehchan hai
adl ki un se kuch to ziya maang lein
جن سے کرتے ہیں رب کے فرشتے حیا
آئیں عثمان سے کچھ حیا مانگ لیں
jin se karte hain Rab ke farishtay haya
aain Usman se kuch haya maang lein
پیکرِ علم و عجز و ذکا ہیں حسن
ابن حیدر سے فہم و ذکا مانگ لیں
paikar-e-ilm o ajz o zaka hain Hasan
ibn-e-Haider se fahm o zaka maang lein
جن کی گھٹی میں فیضِ نبیؐ و علی
غوثِ اعظم کے در سے وفا مانگ لیں
jin ki ghutti mein faiz-e-Nabiؐ o Ali
Ghous-e-Azam ke dar se wafa maang lein
وہ بھکاری کو دیتے ہیں اتنا کہ پھر
سوجھتا ہی نہیں اور کیا مانگ لیں
woh bhikari ko dete hain itna ke phir
soojhta hi nahi aur kya maang lein
خوب ہیں وہ جو سجدے ہیں سجاد کے
ہم جلیل ان سے طرزِ ادا مانگ لیں
khub hain woh jo sajde hain Sajjad ke
hum Jaleel un se tarz-e-ada maang lein
Share This Naat
Share with friends and family
ماہِ میلاد ہے اک دعا مانگ لیں
حافظ عبدالجلیل