مدینے والے آقا شافع روز جزا ٹھہرے
نہ حق اُن سے جدا ٹھہرے نہ وہ حق سے جدا ٹھہرے
Madine wale aqa shafi roz jaza thehre
na haq un se juda thehre na woh haq se juda thehre
کریموں میں کریم ایسے کہ سب کے بھر دیئے دامن
کرم کی ابتداء ٹھہرے کرم کی انتہا ٹھہرے
karimon mein kareem aise ke sab ke bhar diye daman
kram ki ibtida thehre kram ki inteha thehre
گنہگاروں کو دامن گیر ہو کیوں خوف محشر کا
گنہگاروں کی بخشش کیلئے خیر الوریٰ ٹھہرے
gunahgaron ko daman geer ho kyu khauf mehshar ka
gunahgaron ki bakhshish ke liye khair ul wara thehre
سلاطین زمانہ کو نہ آئے رشک کیوں اُن پر
شہنشاہ مدینہ کی گلی کے جو گدا ٹھہرے
salateen zamana ko na aaye rashk kyun un par
shahenshah madina ki gali ke jo gada thehre
غم و آلام کے مارو در آقا پر آ جاؤ
وہ ہر دکھ کا مداوا ہیں وہ ہر غم کی دوا ٹھہرے
gham o aalam ke maro dar aqa par aa jao
woh har dukh ka madawa hain woh har gham ki dawa thehre
رسائی حضرت جبریل کی ہے جس جگہ مشکل
وہاں سے بھی پرے جا کر حبیب کبریا ٹھہرے
rasaai hazrat jibreel ki hai jis jagah mushkil
wahan se bhi pare ja kar habib kibriya thehre
کرم یا رحمتہ اللعالمیں فرمائیے ہم پر
شفاعت کیجئے کہ آپ محبوب خدا ٹھہرے
kram ya rahmatul lil aalamin farmaiye hum par
shafaat keejiye ke aap mehboob khuda thehre
تصور میں نیازی بار ہا طیبہ میں پہنچا ہے
حقیقت میں بھی تیرے آستانے پر یہ جا ٹھہرے
tasawwur mein Niazi bar ha tayyiba mein pohancha hai
haqiqat mein bhi tere aastane par ye ja thehre
Share This Naat
Share with friends and family
مدینے والے آقا شافع روز جزا ٹھہرے
عبدالستار نیازی