مدینے پاک ول جاندے سفینے ویکھدا رہناں
میں اپنے آپ نوں پھر دا مدینے ویکھدا رہناں
Madeene paak wal jaande safeene vechda rahna
Main apne aap nu phir da madeene vechda rahna
غماں دے ماریاں دے کول بہہ جاندا ہاں جس ویلے
غماں دا مال درداں دے خزینے ویکھدا رہناں
Ghaman de maariya de kol beh janda ha jis vele
Ghaman da maal dardan de khazine vechda rahna
خیالاں وچ مدینے پاک اندر پُر خطاواں نوں
کویں ہندے گناہاں توں بری نے ویکھدا رہناں
Khayalan vich madeene paak andar pur khatawan nu
Koyn hande gunahan ton bari ne vechda rahna
کدی یاد نبی وچ وگدے اتھرو روک لیندا ہاں
تے کر کے اپنے غم دونے تے تینے ویکھدا رہناں
Kadi yaad Nabi vich wagde athru rok leanda ha
Te kar ke apne gham done te teine vechda rahna
جمال گنبد خضری لیا کے وچ خیالاں دے
میں سارے جنت اعلیٰ دے زینے ویکھدا رہناں
Jamal gunbad khazra liya ke vich khayalan de
Main sare Jannat aala de zine vechda rahna
میں صائم مصطفی دی نعت دے چُم چُم کے حرفاں نوں
کرم کیتے نے جو میرے نبی نے ویکھدا رہناں
Main Sa'im Mustafa di naat de chum chum ke harfan nu
Karam kite ne jo mere Nabi ne vechda rahna
Share This Naat
Share with friends and family
مدینے پاک ول جاندے سفینے ویکھدا رہناں
علامہ صائم چشتی