مدینہ زندگی دی زندگی اے
مدینے وچ مرا سوہنا نبی اے
Madina zindagi di zindagi ae
Madine wich mera sohna Nabi ae
ہنیرے دُور کر دیندا دلاں دے
مدینہ روشنی ہی روشنی اے
Hnere door kar dinda dilan de
Madina roshni hi roshni ae
خُدا دی سب خدائی جان و دل تھیں
مدینے پاک ول رہندی جھکی اے
Khuda di sab khudai jaan o dil than
Madine pak wal rehndi jhuki ae
مدینے وچ میرا دلبر وسيندا
مدینے وچ نرالی دلبری اے
Madine wich mera dilbar waseenda
Madine wich narali dilbari ae
کرم بھجی تے جنت عاشقاں دی
مدینے پاک دی ہر اک گلی اے
Karam bhaji te jannat aashqan di
Madine pak di har ik gali ae
کوئی خوش بخت کتھے اوہدے ورگا
در آقا تے جس دی حاضری اے
Koi khush bakht kithe ohde warga
Dar aaqa te jis di hazri ae
جنہوں آئی مدینے موت صائم
ملی اوہنوں حیات سرمدی اے
Jenu aai madine maut saim
Mili ohnu hayat sarmadi ae
Share This Naat
Share with friends and family
مدینہ زندگی دی زندگی اے
علامہ صائم چشتی