naat
مدینے کا سفر ہے اور نگاہوں میں یہ حسرت ہے
مدینے کا سفر ہے اور نگاہوں میں یہ حسرت ہے
نبی کے در پر ہم کو موت آجائے تو نعمت ہے
Madine ka safar hai aur nigahon mein ye hasrat hai
Nabi ke dar par ham ko maut aajaye to ne'mat hai
وہ محبوبِ خدا جن کی ورائے عرش شہرت ہے
انہیں کی شان میں قرآن کی عینی شہادت ہے
Woh mehboob-e-Khuda jin ki warae arsh shohrat hai
Inhin ki shan mein Quran ki aini shahadat hai
محمد ہی سے پہچانا ہے ہم نے ربِ اکبر کو
نشانِ حق تعالیٰ ان کی ذاتِ والا برکت ہے
Muhammad hi se pehchana hai ham ne Rab-e-Akbar ko
Nishan-e-Haq Ta'ala in ki zat-e-wala barakat hai
فرشتے جن کے تلووں سے لگائیں اپنی پیشانی
انہیں معراج کی صورت عطائے بامِ رفعت ہے
Farishtay jin ke talwon se lagayen apni peshaani
Inhein Mehrāj ki soorat ataaye bam-e-rafat hai
ادھر ہو امر بالمعروف، ادھر نہی عن المنکر
یہی اصلِ شریعت ہے یہی اصلِ طریقت ہے
Idhar ho amr bil maroof, udhar nahi anil munkar
Yehi asl-e-shariat hai yehi asl-e-tariqat hai
وہ گنبد سبز نورانی ہے دھڑکن قلبِ مومن کی
نشانِ روضہء محبوب کی کیا پیاری رنگت ہے
Woh gumbad sabz noorani hai dhadkan qalb-e-momin ki
Nishan-e-rauza-e-mehboob ki kya piyari rangat hai
جہاں میں مصطفیٰ والوں کے یہ انداز ہوتے ہیں
گریباں چاک ہیں لیکن سروں پر تاجِ عظمت ہے
Jahan mein Mustafa walon ke ye andaaz hotay hain
Garebaan chaak hain lekin saron par taj-e-azmat hai
حضور اچھے میاں کے در پہ میلہ ہے مریدوں کا
نظر ہو جائے مرشد کی ہر اک دل میں یہ حسرت ہے
Huzoor achay miyaan ke dar pe maila hai muridon ka
Nazar ho jaye murshid ki har ek dil mein ye hasrat hai
سبق سیکھا ہے ہم نے حضرتِ نوری کے مکتب سے
فنا فی الشیخ ہو جانا ہی بنیادِ طریقت ہے
Sabaq seekha hai ham ne Hazrat-e-Noori ke maktab se
Fana fi al-Shaikh ho jana hi bunyad-e-tariqat hai
کبھی مرشد کے در پر پاؤں میں جوتا نہیں پہنا
مریدِ باصفا ہونا یہ شانِ اعلیٰ حضرت ہے
Kabhi murshid ke dar par paon mein juta nahi pehna
Mureed-e-basafa hona ye shan-e-Aala Hazrat hai
ہوئے نوری کے تو نوری بنے ہیں مفتیِ اعظم
بریلی، تجھ کو مارہرہ سے کیسی نوری نسبت ہے
Hue Noori ke to Noori bane hain Mufti-e-Azam
Bareilly, tujh ko Marahra se kaisi Noori nisbat hai
وہ دیکھو سید العلما وہاں آرام فرما ہیں
کہ جن کے نام سے منسوب یہ سنّی جماعت ہے
Woh dekho Sayyad al-Ulama wahan aaram farma hain
Ke jin ke naam se mansub ye Sunni jammat hai
غلامی شاہِ برکت کی جسے حاصل ہوئی نظمی
نظر میں ہیچ اس کے ساری دنیا کی حکومت ہے
Ghulami Shah-e-barkat ki jise hasil hui Nazmi
Nazar mein hech us ke sari duniya ki hukumat hai
Share This Naat
Share with friends and family
مدینے کا سفر ہے اور نگاہوں میں یہ حسرت ہے
سید آل رسول حسنین میاں برکاتی نظمی