لکھ رہی ہوں نعت میں لے کر سہارا نور کا
میری سوچوں پر تو رہتا ہے اجارہ نور کا
Likh rahi hoon naat mein le kar sahara noor ka
Meri sochon par to rehta hai ajara noor ka
آپ کے اوصاف ہیں اللہ کے قرآن میں
کر رہا ہے اُن کی مدحت پارہ پارہ نور کا
Aap ke oasaf hain Allah ke Quran mein
Kar raha hai un ki madah paarah paarah noor ka
مہرو ماہ و کہکشاں میں آپ ہی کا نور ہے
بھیک دے کر آپ نے صدقہ اُتارا نور کا
Mehr o maah o kahkashan mein aap hi ka noor hai
Bheek de kar aap ne sadaqa utara noor ka
جلوہ گر ہوتا تھا جو روح الامیں کے سامنے
آپ کے ماتھے پہ چمکا وہ ستارہ نور کا
Jalwa gar hota tha jo Rooh ul Ameen ke samne
Aap ke mathe pe chamka woh sitara noor ka
چھٹ گئے سارے اندھیرے پھیلی ایسی روشنی
آگئے بدر الدجٰی پھوٹا فوارہ نور کا
Chhat gaye saare andhere phaili aisi roshni
Aa gaye Badr ud Duja phoota fawara noor ka
بحرِ ظلمت کے بھنور میں ڈوبنے کا ڈر نہیں
سامنے ہی مل گیا ہے اَب کنارا نور کا
Behr e zulmat ke bhanwar mein doobne ka darr nahi
Samne hi mil gaya hai ab kinara noor ka
ہے یہ حسرت بیٹھ جائیں اِن کے در کے سامنے
ہر گھڑی کرتے رہیں پھرہم نظارہ نور کا
Hai yeh hasrat baith jayein in ke dar ke samne
Har ghadi karte rahein phir hum nazara noor ka
نامِ احمد سے ملی ہے میرے دل کو روشنی
بھیک اِن کے نام کی ہے استعارہ نور کا
Naam e Ahmed se mili hai mere dil ko roshni
Bheek in ke naam ki hai istarah noor ka
ناز سے ممکن کہاں تھی شاہِ عالَم کی ثنا
اس کی قسمت پاگئی پھر بھی اشارہ نور کا
Naaz se mumkin kahan thi Shah e Alam ki sana
Is ki qismat paa gayi phir bhi ishara noor ka
Share This Naat
Share with friends and family
لکھ رہی ہوں نعت میں لے کر سہارا نور کا
صفیہ ناز