Manqabat
لجپال سخی ارشاد پیا جند ہر دم تینوں یاد کرے
لجپال سخی ارشاد پیا جند ہر دم تینوں یاد کرے
کدی موڑ مہاراں لے ساراں اکھ رووے دل فریاد کرے
Lajpal Sakhi Irshaad piya jand har dam tainu yaad kare
Kadi mor mahaaraan le saaraan akh rove dil faryaad kare
سن عرضاں اوگنہار دیاں آ خبراں لے بیمار دیاں
مینوں تاہنگاں نے دیدار دیاں لوں لوں ارشاد ارشاد کرے
Sun arzaan oganhar diyaan aa khabaraan le beemar diyaan
Mainu tahngaan ne deedaar diyaan lo lo Irshaad Irshaad kare
دل چورہ چورہ ہوئے نے بڑا نین نمانے روئے نے
بناں وارثاں کوئی وارث نئیں جیہڑا دکھیاں دا دل شاد کرے
Dil choorha choorha hoye ne bara nain namane roye ne
Banaan waarisaan koi waaris naeen jihrda dhukhiyaan da dil shaad kare
جیویں سنیاں نعتاں یار دیاں محبوب مٹھل من ٹھار دیاں
اوہ اج وی چیتے اوندا اے کوئی جد محفل میلاد کرے
Jiwen suniyan naataan yaar diyaan mehboob mithal man thaar diyaan
Oh aj vi cheete onda ae koi jad mehfal meelaad kare
نت لگن میلے یاراں دے پھل مہکن تیرے پیاراں دے
سدا موسم رہن بہاراں دے تیرا چمن خدا آباد کرے
Nit lagan mele yaraan de phul mahkan tere pyaaraan de
Sada mausam rehan baharaan de tera chaman Khuda aabaad kare
وچہ قبر حشر دے ڈولن ناں اعمال میرے مینوں رولن ناں
تیرے سنگیاں ساتھیاں یاراں دی اللہ ہر تھاں تے امداد کرے
Wich qabar hashar de dolan naan amaal mere mainu rolan naan
Tere sangiyaan saathiyaan yaraan di Allah har thaa te imdaad kare
ایمان ہے ایہو نیازی دا اس دل دی مہکی رہندی فضا
جتھے ڈیرا تیریاں یاداں دا اوہنوں کیویں خزاں برباد کرے
Imaan hai eho Niazi da is dil di mehki rehndi faza
Jithay dera teriyaan yaadaan da ohnu keun khazan barbaad kare
Share This Naat
Share with friends and family
لجپال سخی ارشاد پیا جند ہر دم تینوں یاد کرے
عبدالستار نیازی