لفظ جو میں نے سجائے نعت میں
اشک بن کر جگمگائے نعت میں
Lafz jo maine sajae naat mein
Ashk ban kar jagmagae naat mein
روشنی سے دل منوّر ہو گیا
جگمگاتا ہوں فضائے نعت میں
Roshni se dil munawwar ho gaya
Jagmagata hoon fizae naat mein
جامی و حسان، سعدی و رضا
واہ ! کیا جوہر دکھائے نعت میں
Jami o hassan, saadi o raza
Wah! Kya johar dikhae naat mein
خُلق جبکہ سر بسر قُرآن ہے
وہ بھلا کیونکر سمائے نعت میں
Khulq jabkeh sar basar quraan hai
Woh bhala kyun kar samae naat mein
بام و در گھر کے مرے روشن ہوئے
برکتیں ہیں کیا عطائے نعت میں
Baam o dar ghar ke mere roshan hue
Barkatein hain kya atae naat mein
آپ ہیں آقا ! مرے فریاد رس
آپ کو دُکھڑے سُنائے نعت میں
Aap hain aaqa! mere faryaad ras
Aap ko dukhre sunae naat mein
دین و دُنیا کی سبھی فوز و فلاح
سب ہے پنہاں گنج ہائے نعت میں
Deen o duniya ki sabhi fauz o falaah
Sab hai penhan ganj hae naat mein
سیکھے جو آداب اپنے شیخ سے
بس وہی تو کام آئے نعت میں
Seekhe jo adab apne sheikh se
Bas wahi to kaam aae naat mein
آپ کے در کی حضوری کے خیال
مرحبا ! کیا جِھلملائے نعت میں
Aap ke dar ki hazoori ke khayal
Marhaba! kya jhilmilae naat mein
مشکبو اُس کا مُقدر ہو گیا
بام و در جس نے بسائے نعت میں
Mushkboo uska muqaddar ho gaya
Baam o dar jis ne basae naat mein
لفظ اک شایانِ مدحت ہو عطا
آدمی جس کو سجائے نعت میں
Lafz ek shayan-e-mad'hat ho ata
Aadmi jis ko sajae naat mein
ہے ادب اُن کا کہ ہر عاشق جسے
مرکز و محور بنائے نعت میں
Hai adab unka keh har aashiq jise
Markaz o mahwar banae naat mein
عُمر بھر سرکار سے عہدِ وفا
اُمّتی پیہم نبھائے نعت میں
Umr bhar sarkar se ahd-e-wafa
Ummati paiham nibhaye naat mein
آیتیں قرآں کی شاہد ہیں جلیل
خود خُدا ہے ابتدائے نعت میں
Aayatein quraan ki shahid hain jaleel
Khud khuda hai ibtidae naat mein
Share This Naat
Share with friends and family
لفظ جو میں نے سجائے نعت میں
حافظ عبدالجلیل