لب وا کیئے تھے رکھ کے محمدؐ کے در پہ ہاتھ
بے ساختہ دُعا نے بڑھائے اثر پہ ہاتھ
Lab wa kiye the rakh ke Muhammadؐ ke dar pe haath
Be sakhta dua ne barhaye asar pe haath
پھیریں گے التفات سے وہ میرے سَر پہ ہاتھ
پہنچے گا جب بھی دامنِ خیر البشرؐ پہ ہاتھ
Pherenge iltifat se wo mere sar pe haath
Pahunchega jab bhi daman-e Khair ul basharؐ pe haath
سُوئے مدینہ لے کے چلا ہے وہ عرض داشت
اللہ کے کرم کا رہے نامہ بر پہ ہاتھ
Soe madina le ke chala hai wo arz daasht
Allah ke karam ka rahe nama bar pe haath
اُن کی عنایتوں نے سفینہ بچا لیا
اُن کے سوا ہے کون جو رکھّے بھنور پہ ہاتھ؟
Un ki inayaton ne safeena bacha liya
Un ke siwa hai kaun jo rakkhe bhanwar pe haath?
فرطِ گناہ سے ہے گراں بار زندگی
اے رحمتِ تمام! ذرا میرے سَر پہ ہاتھ
Farat-e gunaah se hai garan baar zindagi
Ae rehmat-e tamaam! zara mere sar pe haath
دُنیا کا حُسن دے نہیں سکتا اُنہیں فریب
ہیں اُنؐ کی چشمِ فیض کے اہلِ نظر پہ ہاتھ
Duniya ka husn de nahi sakta unhein fareb
Hain unؐ ki chashm-e faiz ke ahl-e nazar pe haath
بابِ رسولؐ تک مِری فریادِ ناتواں
پہنچی ہے رکھ کے دوشِ نسیمِ حجر پہ ہاتھ
Baab-e Rasoolؐ tak meri faryaad-e naatwaan
Pahunchi hai rakh ke dosh-e naseem-e hajar pe haath
اُنؐ کی نظیر کیا، وہ عدیم النظیر ہیں
اُنؐ کے غلام رکھتے ہیں شمس و قمر پہ ہاتھ
Unؐ ki nazeer kya, wo adeem ul nazeer hain
Unؐ ke ghulaam rakhte hain shams o qamar pe haath
کیا ڈر مجھے کہ سایہ فگن ہیں نصیرؔ آپؐ
ڈرتا ہے وہ، کسی کا نہ ہو جس کے سَر پہ ہاتھ
Kya darr mujhe ke saaya fagan hain Naseerؔ aapؐ
Darta hai wo, kisi ka na ho jis ke sar pe haath
Share This Naat
Share with friends and family
لب وا کیئے تھے رکھ کے محمدؐ کے در پہ ہاتھ
سید نصیرالدیں نصیر