لعل و گہر نہیں ہیں مرے پاس غم نہیں
حُبِ نبیؐ متاعِ دو عالم سے کم نہیں
Laal o gohar nahi hain meray paas gham nahi
Hub-e-Nabi (ﷺ) mata-e-do aalam se kam nahi
وصفِ نبیؐ احاطۂ تحریر میں قلم
لے آئے کیسے اتنی بساطِ قلم نہیں
Wazf-e-Nabi(ﷺ) ihaata-e-tehrir mein qalam
Le aaye kaise itni basat-e-qalam nahi
ہوگا بروزِ حشر وہ کس طرح کامیاب
حاصل جسے شفاعتِ شاہِ امم نہیں
Hoga baroz-e-hashr wo kis tarah kamiyab
Haasil jise shafaat-e-shah-e-umm (ﷺ) nahi
اللہ رے نظامِ مساواتِ مصطفیٰؐ
برتر کوئی عرب نہیں کم تر عجم نہیں
Allah reh nizam-e-masaawat-e-Mustafa (ﷺ)
Barter koi arab nahi kam tar ajam nahi
اسلام دینِ فطرتِ عالم ہے دوستو
سیدھی ہے اس کی راہ کوئی پیچ و خم نہیں
Islam deen-e-fitraat-e-alam hai dosto
Seedhi hai is ki raah koi paich o kham nahi
کہتے تھے زخم کھا کے بھی اصحابِ مصطفیٰؐ
دامن نبیؐ کا چھوڑنے والوں میں ہم نہیں
Kehte they zakhm kha ke bhi as-haab-e-Mustafa (ﷺ)
Daman Nabi (ﷺ) ka chorhne walon mein hum nahi
احسن کہیں رسولؐ امامت کریں عطا
صدیق جیسی شان کسی کو بہم نہیں
Ahsan kahin Rasool (ﷺ) imaamat karein atta
Siddiq jaisi shaan kisi ko ba-hum nahi
کنجی عمر کو سونپ کے بولے یہ پادری
مالک ہیں آپ بیتِ مقدس کے ہم نہیں
Kunji Umar ko sonp ke bole yeh padre
Maalik hain aap bait-e-muqaddas ke hum nahi
حلم و حیا کا ہو کہ سخاوت کا باب ہو
عثماں غنی کی شان کہاں پر رقم نہیں
Hilm o haya ka ho ke sakhaawat ka baab ho
Usman Ghani ki shaan kahaan par raqam nahi
کرتا نہیں جو عزت و توقیر مرتضیٰ
ذی علم لاکھ ہو وہ مگر محترم نہیں
Karta nahi jo izzat o taqeer Murtaza
Zee ilm laakh ho wo magar mohtaram nahi
تھے کاتب کلامِ الٰہی معاویہ
اے حاسدو! یہ منصبِ توقیر کم نہیں
They katib-e-kalaam-e-Ilahi Muawiya
Ae haasido! Yeh mansab-e-taqeer kam nahi
احسؔن کو نعت گوئی کا حاصل ہوا شرف
توفیقِ خیر فضلِ خدا سے یہ کم نہیں
Ahsan ko naat goyi ka haasil hua sharaf
Tawfiq-e-khair fazl-e-Khuda se yeh kam nahi
Share This Naat
Share with friends and family
لعل و گہر نہیں ہیں مرے پاس غم نہیں
احسن اعظمی