کیا ہی ذوق افزا شفاعت ہے تمہاری واہ واہ
قرض لیتی ہے گنہ پرہیز گاری واہ واہ
Kya hi zauk afza shafa'at hai tumhari wah wah
Qarz leti hai gunah parheiz gari wah wah
خامۂ قدرت کا حُسنِ دست کاری واہ واہ
کیا ہی تصویر اپنے پیارے کی سنواری واہ واہ
Khamah-e-qudrat ka husn-e-dastkari wah wah
Kya hi tasveer apne pyare ki sanwari wah wah
اشک شب بھر انتظارِ عفوِ اُمّت میں بہیں
میں فِدا چاند اور یُوں اختر شماری واہ واہ
Ashk shab bhar intezar-e-afw-e-ummat mein bahein
Mein fida chaand aur yun akhtar shumari wah wah
اُنگلیاں ہیں فیض پر ٹُوٹے ہیں پیاسے جھوم کر
ندیاں پنجابِ رحمت کی ہیں جاری واہ واہ
Ungliyan hain faiz par toote hain pyaase jhoom kar
Nadiyan Punjab-e-rehmat ki hain jari wah wah
نُور کی خیرات لینے دوڑتے ہیں مہر و ماہ
اُٹھتی ہے کس شان سے گردِ سواری واہ واہ
Noor ki khairat lene daurte hain mehr o maah
Uthti hai kis shaan se gard-e-sawaari wah wah
نیم جلوے کی نہ تاب آئے قمر ساں تو سہی
مہر اور ان تلووں کی آئینہ داری واہ واہ
Neem jalwe ki na taab aaye qamar saan to sahi
Mehr aur in talwon ki aainah daari wah wah
نفس یہ کیا ظلم ہے جب دیکھو تازہ جرم ہے
ناتواں کے سر پر اِتنا بوجھ بھاری واہ واہ
Nafs yeh kya zulm hai jab dekho taza jurm hai
Natawan ke sar par itna bojh bhaari wah wah
مجرموں کو ڈُھونڈتی پِھرتی ہے رَحمت کی نِگاہ
طالعِ برگَشْتہ تیری سازگاری واہ واہ
Mujrimon ko dhoondhti phirti hai rahmat ki nigah
Taal-e-bargahshta teri sazgari wah wah
عرض بیگی ہے شفاعت عَفو کی سرکار میں
چھنٹ رہی ہے مجرموں کی فرد ساری واہ واہ
Arz beegi hai shafa'at afw ki sarkar mein
Chhnt rahi hai mujrimoon ki fard saari wah wah
کیا مَدینہ سے صبا آئی کہ پھولوں میں ہے آج
کچھ نئی بُو بِھینی بِھینی پیاری پیاری واہ واہ
Kya Madina se saba aayi ke phoolon mein hai aaj
Kuch nai boo bheeni bheeni pyari pyari wah wah
خود رہے پردے میں اور آئینہ عکسِ خاص کا
بھیج کر اَنجانوں سے کی راہ داری واہ واہ
Khud rahe parde mein aur aainah aks-e-khaas ka
Bheij kar anjanoon se ki rah daari wah wah
اِس طرف رَوضہ کا نور اُس سَمْت منبر کی بہار
بیچ میں جنت کی پیاری پیاری کیاری واہ واہ
Is taraf rauza ka noor us samt minbar ki bahar
Beech mein jannat ki pyari pyari kiyari wah wah
صدقے اس اِنعام کے قربان اس اِکرام کے
ہو رہی ہے دونوں عالَم میں تمہاری ’’واہ واہ‘‘
Sadka is in'aam ke qurban is ikram ke
Ho rahi hai dono aalam mein tumhari "wah wah"
پارۂ دل بھی نہ نِکلا دِل سے تحفے میں رضاؔ
اُن سگانِ کو سے اتنی جان پیاری واہ واہ
Parrah-e-dil bhi na nikla dil se tohfe mein Raza
Un sagan-e-ko se itni jaan pyari wah wah
Share This Naat
Share with friends and family
کیا ہی ذوق افزا شفاعت ہے تمہاری واہ واہ
احمد رضا خان بریلوی