کس قدر تھا احترامِ باریابی دیکھیے
گوش بر آواز رہتے تھے صحابی دیکھیے
Kis qadar tha ehtaram-e-bariyabi dekhiye
Gosh bar aawaaz rehtay thay sahabi dekhiye
آسماں کے چاند کو خاطر میں وہ لاتا نہیں
ذرّۂِ طیبہ کے تیور آفتابی دیکھیے
Aasman ke chand ko khatir mein wo lata nahi
Zarrah-e-Taiba ke tewar aftabi dekhiye
نسبتِ سرکار سے ممتاز کتنی ہو گئی
حضرتِ مولا علی کی بو ترابی دیکھیے
Nisbat-e-Sarkar se mumtaz kitni ho gayi
Hazrat-e-Moula Ali ki Bo Turabi dekhiye
ہے کلام اللہ کی تفسیر بھی لکھی ہوئی
مصطفےٰ کا روئے انور ہے کتابی دیکھیے
Hai kalam Allah ki tafseer bhi likhi hui
Mustafa ka roye anwar hai kitabi dekhiye
پھر چلے آئے جنابِ مصطفےٰ کس شان سے
خانۂِ کعبہ میں شانِ فتحیابی دیکھیے
Phir chale aaye janab-e-Mustafa kis shaan se
Khana-e-Kaaba mein shan-e-fathiyabi dekhiye
کیا پتہ کب ہو تمنا پوری ان کی دید کی
کب سکوں پائے طبیعت اضطرابی دیکھیے
Kya pata kab ho tamanna poori unki deed ki
Kab sukoon paaye tabiyat iztirabi dekhiye
پڑھ کے روز و شب شفیقؔ اُن پر درودِ غوثیہ
زندگی کے مرحلوں میں کامیابی دیکھیے
Parh ke roz o shab Shafiq un par durood-e-Ghausiya
Zindagi ke marahil mein kamiyabi dekhiye
Share This Naat
Share with friends and family
کس قدر تھا احترامِ باریابی دیکھیے
شفیق ؔ رائے پوری