خوشبو کا مستقر ہے دیارِ رسولؐ میں
جنت کی رہ گزر ہے دیارِ رسولؐ میں
Khushboo ka mastqar hai dayar-e-Rasool (ﷺ) mein
Jannat ki reh guzar hai dayar-e-Rasool (ﷺ) mein
ذرے ہیں ماہتاب تو پتھر ہیں آفتاب
ہر چیز معتبر ہے دیارِ رسولؐ میں
Zarray hain mahtab to pathar hain aaf tab
Har cheez mo'tabar hai dayar-e-Rasool (ﷺ) mein
حرفِ ندا بھی حرفِ دُعا بھی ہے پُر اثر
ہر حرف کارگر ہے دیارِ رسولؐ میں
Harf-e-nida bhi harf-e-dua bhi hai pur asar
Har harf kargar hai dayar-e-Rasool (ﷺ) mein
پتھر پگھل کے بہہ گئے آنکھوں کے راستے
اشفاقؔ چشمِ تر ہے دیارِ رسولؐ میں
Pathar pighal ke beh gaye aankhon ke raste
Ashfaq(ؔ) chashm-e-tar hai dayar-e-Rasool (ﷺ) mein
تاریکیاں ہیں شہرِ مدینہ سے بے خبر
ہر ذرہ ہی قمر ہے دیارِ رسولؐ میں
Tareekiyan hain sheher-e-Madina se be khabar
Har zarra hi qamar hai dayar-e-Rasool (ﷺ) mein
ہوتی ہے ہر گدا کی جہاں پوری آرزو
اِک ایسا سنگِ در ہے دیارِ رسولؐ میں
Hoti hai har gada ki jahan poori aarzoo
Ik aisa sang-e-dar hai dayar-e-Rasool (ﷺ) mein
حرفِ دُعا ہے بابِ اثر کے قریب تر
ہر بات پر اثر ہے دیارِ رسولؐ میں
Harf-e-dua hai bab-e-asar ke qareeb tar
Har baat par asar hai dayar-e-Rasool (ﷺ) mein
اشفاقؔ وہ بھی کر لے طلب جو نہیں کیا
تقدیر اوج پر ہے دیارِ رسولؐ میں
Ashfaq (ؔ) woh bhi kar le talab jo nahi kiya
Taqdeer oj par hai dayar-e-Rasool (ﷺ) mein
Share This Naat
Share with friends and family
خوشبو کا مستقر ہے دیارِ رسولؐ میں
اشفاق احمد غوری