کِس نے پایا ہے جہاں کی رہنمائی کا شرف
کس کو بخشا ہے خدا نے مصطفائی کا شرف
Kis ne paaya hai jahan ki rehnumai ka sharaf
Kis ko bakhsha hai Khuda ne Mustafai ka sharaf
ہستی ختمِ ؐ رُسل ہے زیب دیتا ہے جسے
کَشتی انسانیت کی نا خدائی کا شرف
Hasti khatam-e- rusl hai zaib deta hai jise
Kashti insaniyat ki na khudai ka sharaf
آپ کی ذاتِ گرامی کے سوا کس کو ملا
سرورِؐ دیں کا لقب ، خیر الورائی کا شرف
Aap ki zaat-e-grami ke siwa kis ko mila
Sarwar-e- deen ka laqab, khair ul-warai ka sharaf
پیشوائے انبیا ہیں ، صاحب ِ اسرا بھی ہیں
لا مکاں تک آپ کو حاصل رسائی کا شرف
Peshwa-e-anbiya hain, sahib-e-isra bhi hain
La makan tak aap ko hasil rasaai ka sharaf
اپنی خوش بختی پہ تائبؔ کیوں نہ مجھ کو ناز ہو
کم نہیں سرکارؐ کی مدحت سرائی کا شرف
Apni khush bakhti pe Taib kyun na mujh ko naaz ho
Kam nahi Sarkar ki madhat sarai ka sharaf
Share This Naat
Share with friends and family
کِس نے پایا ہے جہاں کی رہنمائی کا شرف
حفیظ تائب