کیا شان میں لکھے گا کوئی ان کا قصیدہ
جیسے وہ ہیں ویسا نہ تو دیدہ نہ شنیدہ
Kya shan mein likhe ga koi un ka qaseeda
Jaise vo hain waisa na to deedah na shuneedah
جب یاد کیا قلب ہوا نا فہء آہو
جب نام لیا ہو گئے لب شہد چکیدہ
Jab yaad kiya qalb hua na fah-e aahu
Jab naam liya ho gaye lab shehad chakeeda
رکھ ایک طرف فکر کو قرطاس و قلم کو
اشکوں سے بھی لکھ ان کی ثناء اُن کا قصیدہ
Rakh ek taraf fikr ko qartas o qalam ko
Ashkon se bhi likh un ki sana un ka qaseeda
دیکھا ہے بلندی پہ ہر اک جا سرِ افلاک
لیکن اسے دیکھا ہے مدینہ میں خمیدہ
Dekha hai bulandi pe har ek ja sar-e aflak
Lekin use dekha hai madina mein khameeda
حسرت میں زیارت کی بہے جاتے ہیں آنسو
اچھا ہو وضو کرتا ہے دیدار کو دیدہ
Hasrat mein ziarat ki bahe jate hain aansu
Acha ho wazoo karta hai deedaar ko deedah
کیا اس کو خریدیں گے سلاطینِ زمانہ
اے رحمتِ عالم تری رحمت کا خریدہ
Kya us ko khareedein ge salateen-e zamana
Ae rehmat-e alam teri rehmat ka khareedah
اُمت ہے بہت زار و پریشان ، کرم کر
چادر بھی دریدہ ہوئی دامن بھی دریدہ
Ummat hai bohot zaar o pareshan, karam kar
Chadar bhi dareeda hui daaman bhi dareeda
وہ شاعری اچھی کہ دکھائے جو یہ منظر
آغوشِ کرم میں سگِ دنیا کا گزیدہ
Wo shaairi achi ke dikhaye jo ye manzar
Aaghosh-e karam mein sag-e duniya ka gazeeda
محتاج نہ ہوگا کبھی وہ ہاتھ جو لکھے
اس معطئ و مُنعِم کی سخاوت کا قصیدہ
Mohtaaj na hoga kabhi wo haath jo likhe
Us mauti o muneem ki sakhaawat ka qaseeda
محروم نہیں ہوں گی بصارت سے وہ آنکھیں
گو خواب سہی ، ہوں رُخِ انوار کی دیدہ
Mehroom nahi hon gi basarat se wo aankhen
Go khwab sahi, hon rukh-e anwaar ki deedah
بس ایک ہی جھونکا ہے بہت شہرِ نبی کا
آواز یہ دیتے ہیں تن و قلبِ تپیدہ
Bas ek hi jhonka hai bohot shehr-e nabi ka
Aawaaz ye dete hain tan o qalb-e tapeeda
لایا درِ رحمت پہ تجھے جادہء رحمت
کافی تری بخشش کے لیے ہے یہ قصیدہ
Laya dar-e rehmat pe tujhe jaada-e rehmat
Kaafi teri bakhshish ke liye hai ye qaseeda
جس راہ سے گذرا ہے ادیبؔ ان کی ثناء میں
رخشندہ تا بندہ و درخشاں و دمیدہ
Jis raah se guzra hai Adeeb un ki sana mein
Rakhshanda ta banda o drakhshaan o dameeda
Share This Naat
Share with friends and family
کیا شان میں لکھے گا کوئی ان کا قصیدہ
حضرت ادیب رائے پوری