Manqabat
خواجہ جی دل میں مرے کیا گل کھلایا آپ نے
خواجہ جی دل میں مرے کیا گل کھلایا آپ نے
ظلمتوں میں نور کا دیپک جلایا آپ نے
Khwaja ji dil mein mere kya gul khilaya aap ne
Zulmaton mein noor ka deepak jalaya aap ne
سنّتِ غوث الوریٰ کو آپ نے زندہ رکھا
مکرِ شیطاں سے مریدوں کو بچایا آپ نے
Sunnat-e-Ghaus-ul-wara ko aap ne zinda rakha
Makr-e-Shaitaan se mureedon ko bachaya aap ne
رہنمائی آپ کی ہے باعثِ رحمت ہمیں
راہ حق پر ہم غلاموں کو چلایا آپ نے
Rehnumai aap ki hai ba'ise rehmat humein
Raah-e-Haq par hum ghulamon ko chalaya aap ne
آپ نے بخشا تصوف کو کمالِ جاوداں
خانقاہوں کا چلن کس نے پڑھایا آپ نے
Aap ne bakhsha tasawwuf ko kamal-e-javedaan
Khanqahon ka chalan kis ne parhaya aap ne
جب شہاب الدین غوری جنگ میں نالاں ہوئے
ان کے ہاتھوں فتح کا پرچم تھمایا آپ نے
Jab Shahab-ud-din Ghori jang mein nalaan hue
Un ke haathon fateh ka parcham thamaya aap ne
تا کہ یہ بن جائے ولیوں صوفیوں کی سرزمیں
اس لیے بھارت میں ہی ڈیرا لگایا آپ نے
Ta ke yeh ban jaye waliyon soofiyon ki sarzameen
Is liyey Bharat mein hi dera lagaya aap ne
جب مریدوں نے مصیبت میں پکارا آپ کو
ڈوبتی کشتی کو ساحل سے لگایا آپ نے
Jab mureedon ne museebat mein pukara aap ko
Doobti kashti ko sahil se lagaya aap ne
آزمائش کے لیے یکجا جو جادوگر ہوئے
کلمہء طیب کا تب جادو جگایا آپ نے
Azmaish ke liye yakja jo jaadugar hue
Kalma-e-Tayyab ka tab jadoo jagaya aap ne
بت پرستی میں جو صدیوں سے رہے تھے مبتلا
ان کو اپنے خلق سے مسلم بنایا آپ نے
Butparasti mein jo sadiyon se rahe the mubtala
Un ko apne khulq se Muslim banaya aap ne
تھا جو اک اجڑا ہوا سا شہر ریگستان کا
اس کو اجمیرِ مقدس کہلوایا آپ نے
Tha jo ek ujda hua sa shehar registan ka
Us ko Ajmer-e-muqaddas kehlwaya aap ne
آپ کے آگے سبھی کے رنگ پھیکے پڑ گئے
ایسا چوکھا رنگ وحدت کا جمایا آپ نے
Aap ke aage sabhi ke rang pheeke par gaye
Aisa chokha rang wahdat ka jamaya aap ne
فیضِ خواجہ سے چلا ہے آج نظمی کا قلم
مجھ کو کچھ لکھنے کے بھی قابل بنایا آپ نے
Faiz-e-Khwaja se chala hai aaj Nazmi ka qalam
Mujh ko kuch likhne ke bhi qabil banaya aap ne
Share This Naat
Share with friends and family
خواجہ جی دل میں مرے کیا گل کھلایا آپ نے
سید آل رسول حسنین میاں برکاتی نظمی