حکایت غمِ ہستی تمام کہتا ہوں
میں دل کی بات بفیضِ امام کہتا ہوں
Hikayat-e-gham-e-hasti tamam kehta hoon
Mein dil ki baat ba faiz-e-Imam kehta hoon
عزیمت ان کی ہے آئینہء ضمیر نما
انہیں سلام بصد احترام کہتا ہوں
Azimat un ki hai aaina-e-zameer numa
Unhein salaam ba sad ehteram kehta hoon
ہے لازوال کچھ ایسا حسین کا کردار
اسے بہارِ بقائے دوام کہتا ہوں
Hai la zawaal kuch aisa Hussain ka kirdar
Usay bahaar-e-baqaa-e-dawam kehta hoon
عبادتِ شبِ آخر وہ پورِ حیدرکی
جسے وقارِ قعود و قیام کہتا ہوں
Ibadat-e-shab-e-aakhir woh pur-e-Haidar ki
Jisay waqar-e-qu'ood o qiyaam kehta hoon
انہی کے در کو سمجھتا ہوں بابِ استقلال
انہی کے گھر کو میں دار السلام کہتا ہوں
Inhi ke dar ko samajhta hoon bab-e-istaqlal
Inhi ke ghar ko mein daar-us-salaam kehta hoon
یہ انتساب ہے سرمایہء ثبات مرا
کہ خود کو آلِ نبیؐ کا غلام کہتا ہوں
Yeh intisaab hai sarmaya-e-sabat mera
Ke khud ko aal-e-Nabi (S.A.W) ka ghulaam kehta hoon
یہ حوصلہ بھی ہے تائبؔ، عنایتِ شبیر
جو حرفِ حق میں سرِ بزمِ عام کہتا ہوں
Yeh hausla bhi hai Taib, inayat-e-Shabbir
Jo harf-e-haq mein sar-e-bazm-e-aam kehta hoon
Share This Naat
Share with friends and family
حکایت غمِ ہستی تمام کہتا ہوں
حفیظ تائب