خوشبوئے دشت ِطیبہ سے بس جائے گر دِماغ
مہکائے بوئے خلد مرا سر بسر دِماغ
Khushbu e dasht e tayyba se bas jaye gar dimaagh
Mehakae bu e khald mera sar basar dimaagh
پایا ہے پائے صاحب معراج سے شرف
ذَرَّاتِ کوئے طیبہ کا ہے عرش پر دِماغ
Paya hai paye sahib maaraj se sharaf
Zarrat e kuye tayyba ka hai arsh par dimaagh
مومن فدائے نور و شمیم حضور میں
ہر دِل چمک رہا ہے مُعَطَّر ہے ہر دِماغ
Momin fidaaye noor o shameem huzoor mein
Har dil chamak raha hai muattar hai har dimaagh
ایسا بسے کہ بوئے گل خلد سے بسے
ہو یادِ نقش پائے نبی کا جو گھر دِماغ
Aisa base ke bu e gul khald se base
Ho yaad e naqsh paaye Nabi ka jo ghar dimaagh
آباد کر خدا کے لئے اپنے نور سے
ویران دِل ہے دل سے زیادہ کھنڈر دِماغ
Aabaad kar Khuda ke liye apne noor se
Veraan dil hai dil se zyada khandar dimaagh
ہر خارِ طیبہ زینتِ گلشن ہے عندلیب
نادان ایک پھول پر اتنا نہ کر دِماغ
Har khaar e tayyba zinat e gulshan hai andaleeb
Naadaan ek phool par itna na kar dimaagh
زاہد ہے مستحق کرامت گنہگار
اللہ اکبر اتنا مزاج اس قدر دِماغ
Zaahid hai mustahiq karaamat gunahgaar
Allah Akbar itna mizaaj is qadar dimaagh
اے عندلیب خارِ حرم سے مثالِ گل
بک بک کے ہرزہ گوئی سے خالی نہ کر دِماغ
Ae andaleeb khaar e haram se misaal e gul
Bak bak ke harza goi se khaali na kar dimaagh
بے نور دِل کے واسطے کچھ بھیک مانگتے
ذَرَّاتِ خاکِ طیبہ کا ملتا اگر دِماغ
Be noor dil ke wastay kuch bheek maangtay
Zarrat e khaak e tayyba ka milta agar dimaagh
ہر دَم خیالِ پاک اِقامت گزیں رہے
بن جائے گھر دِماغ نہ ہو رہ گزر دِماغ
Har dam khayal e paak iqamat guzeen rahe
Ban jaye ghar dimaagh na ho rah guzar dimaagh
شاید کہ وصف پائے نبی کچھ بیاں کرے
پوری ترقیوں پہ رَسا ہو اگر دِماغ
Shaayad ke wasf paaye Nabi kuch bayaan kare
Poori taraqqiyon pe rasa ho agar dimaagh
اس بد لگام کو خر دَجَّال جانئے
منہ آئے ذِکر پاک کو سن کر جو خر دِماغ
Is bad lugaam ko khar dajjaal jaaniye
Munh aaye zikr e paak ko sun kar jo khar dimaagh
اُن کے خیال سے وہ ملے امن اے حسنؔ
سر پر نہ آئے کوئی بلا ہو سپر دِماغ
Un ke khayal se woh mile aman ae Hasan
Sar par na aaye koi bala ho sipar dimaagh
Share This Naat
Share with friends and family
خوشبوئے دشت ِطیبہ سے بس جائے گر دِماغ
حسن رضا خان