بے مثل ہے کونین میں سرکار کا چہرا
آئینہ حق ہے شہِؐ ابرار کا چہرا
Bay misl hai kounain mein sarkar ka chehra
Aaina e haq hai shahi e abar ka chehra
دیکھیں تو دعا مانگیں یہی یوسفِؑ کنعاں
تکتا رہُوں خالق! ترے شہکار کا چہرا
Daikhain to dua mangain yahi Yusuf e Kan'an
Takta rahon khalikh! tere shahkar ka chehra
اے مُطّلِبی پھُول ! بہاروں کے پیمبر
کِھلتا ہے ترے نام سے گُلزار کا چہرا
Ae muttalee phool! baharon ke paighambar
Khilta hai tere naam se gulzar ka chehra
خورشیدِ حلیمہؓ! تری مشتاق ہیں آنکھیں
بھاتا نہیں اب ماہِ ضیا بار کا چہرا
Khursheed e Haleema! teri mushtaq hain aankhain
Bhaata nahi ab mah e ziya bar ka chehra
اے خُلد! کروں گا ترا دیدار بھی، لیکن
اِس دم ہے نظر میں، تِرے مختار کا چہرا
Ae khuld! karon ga tera deedaar bhi, lekin
Is dam hai nazar mein, tere mukhtar ka chehra
والشّمس کی یہ واِ قَسَم کہتی ہے مُڑ کر
بے داغ رہا شاہ کے کردار کا چہرا
Washams ki yeh wa qasam kehti hai mur kar
Bay daagh raha shaah ke kirdar ka chehra
جلووں سے ہو معمور نہ کیوں دل کا مدینہ
آنکھوں میں ہے اُس مطلعِ انوار کا چہرا
Jalwon se ho mamoor na kyun dil ka Madina
Aankhon mein hai us matla e anwar ka chehra
دورانِ شفاعت وہ سُکوں بخش ش دِلا سے
بے فکرِ ندامت ہے گنہگار کا چہرا
Dauran e shafa'at woh sukoon bakhsh dilon se
Bay fikr e nadamat hai gunehgar ka chehra
کھلتا ہی کیا پھول کی صورت دم آخر
اترا نہیں دیکھا ترے بیمار کا چہرا
Khulta hi kya phool ki surat dam akhir
Utra nahi dekha tere beemar ka chehra
پُوچھا جو یہ سائل نے کہ کیا چیز ہے اَحَسن
صدّیق ؓ نے برجستہ کہا، ’’یار کا چہرا‘‘
Poocha jo yeh sa'il ne ke kya cheez hai ahsan
Siddique ne barjasta kaha, "Yaar ka chehra"
اُترے پسِ مرگ اُس کی زیارت کو فرشتے
نکھرا وہ ترے طالبِ دیدار کا چہرا
Utrey pas e marg us ki ziyaarat ko farishte
Nikhra woh tere taalib e deedar ka chehra
جھپکے جو نصیرؔ آنکھ دمِ نزع تو یارب!
پُتلی میں پھرے احمدِؐ مختار کا چہرا
Jhapke jo Naseer aankh dam e naza to ya Rab!
Putli mein phire Ahmad e mokhtar ka chehra
Share This Naat
Share with friends and family
بے مثل ہے کونین میں سرکار کا چہرا
سید نصیرالدیں نصیر