خوشا وہ دن حرم پاک کی فضاؤں میں تھا
زباں خموش تھی دل محوِ التجاؤ ں میں تھا
Khushha wo din Haram Pak ki fizaon mein tha
Zaban khamosh thi dil mehwo iltajaon mein tha
درِ کرم پہ صدا دے رہا تھا اشکوں سے
جو ملتزم پہ کھڑے تھے ، میں ان گداؤں میں تھا
Dar-e-karam pe sada de raha tha ashkon se
Jo multazam pe kharay thay, mein un gadaon mein tha
غلافِ خانہ کعبہ تھا میرے ہاتھوں میں
خدا سے عر ض و گزارش کی انتہاؤں میں تھا
Ghilaf-e-Khana Kaaba tha mere haathon mein
Khuda se arz o guzarish ki intahaon mein tha
فضائے مغفرت آثار میں تھا دل سرشار
مرا وجود خدا کے کرم کی چھاؤں میں تھا
Fizaye maghfirat asar mein tha dil sarshar
Mera wujood Khuda ke karam ki chhaon mein tha
حطیم میں مرے سجدوں کی کیفیت تھی عجب
جبیں زمین پہ تھی ذہن کہکشاؤں میں تھا
Hateem mein mere sajdon ki kefiyat thi ajab
Jabeen zameen pe thi zehan kehkashan mein tha
طواف کرتا تھا پروانہ وار کعبے کا
جہانِ ارض و سما جیسے میرے پاؤں میں تھا
Tawaf karta tha parwanah waar Kaaba ka
Jahan-e-arz o sama jaise mere paaon mein tha
دھڑک رہا ہے مرے سازِ روح پر اب بھی
وہ ایک نغمہ جو " لبیک " کی صداؤں میں تھا
Dhark raha hai mere saaz-e-rooh par ab bhi
Wo ek naghma jo "Labbaik" ki sadaon mein tha
مجھے یقین ہے میں پھر بلایا جاؤں گا
کہ یہ سوال بھی شامل میری دعاؤں میں تھا
Mujhe yaqeen hai mein phir bulaya jaon ga
Ke yeh sawal bhi shaamil meri duaon mein tha
Share This Naat
Share with friends and family
خوشا وہ دن حرم پاک کی فضاؤں میں تھا
سید صبیح الدین صبیح رحمانی