خدا کا ذکر کرے ذکرِ مصطفٰی ﷺ نہ کرے
ہمارے منہ میں ہو ایسی زباں خدا نہ کرے
Khuda ka zikr kare zikr-e-Mustafa ﷺ na kare
Hamare munh mein ho aisi zubaan Khuda na kare
درِ رسُول پہ , ایسا کبھی نہیں دیکھا
کوئی سوال کرے ، اور وہ عطا نہ کرے
Dar-e-Rasool pe, aisa kabhi nahin dekha
Koi sawal kare, aur woh ata na kare
کہا خدا نے کہ بخشش کی بات محشر میں
مِرا حبیب کرے کوئی دوسرا نہ کرے
Kaha Khuda ne ke bakhshish ki baat mahshar mein
Mira Habib kare koi doosra na kare
مدینہ جا کے نکلنا نہ شہر سے باہر
خدانخواستہ یہ زندگی وفا نہ کرے
Madina ja ke nikalna na shehar se bahar
Khudanakhuasta ye zindagi wafa na kare
اسیر جس کو بنا کر رکھیں مدینے میں
تمام عمر رہائی کی وہ دعا نہ کرے
Aseer jis ko bana ke rakhein Madine mein
Tamaam umr rehai ki woh dua na kare
نبی ﷺ کے قدموں پہ جس دم غلام کا سر ہو
قضا سے کہہ دو کہ اک لمحہ بھی قضا نہ کرے۔
Nabi ﷺ ke qadamoun pe jis dam ghulaam ka sar ho
Qaza se keh do ke ik lamha bhi qaza na kare.
شعور نعت بھی ہو، اور زباں بھی ہو ادیب
وہ آدمی نہیں جو ان کا حق ادا نہ کرے
Shaoor naat bhi ho, aur zabaan bhi ho adeeb
Woh aadmi nahin jo un ka haq ada na kare
Share This Naat
Share with friends and family
خدا کا ذکر کرے ذکرِ مصطفٰی ﷺ نہ کرے
حضرت ادیب رائے پوری