خطا کار چوکھٹ پہ آئے ہوئے ہیں
جبینِ ندامت جھکائے ہوئے ہیں
Khata kar chokhat pe aaye hue hain
Jabeen-e-nadamat jhukaye hue hain
زمینِ عرب کس قدر اوج پر ہے
جہاں آسماں سر جھکائے ہوئے ہیں
Zameen-e-arab kis qadar ooj par hai
Jahan aasmaan sar jhukaye hue hain
مدینے کی گلیوں کے پر نور منظر
مری دھڑکنوں میں سمائے ہوئے ہیں
Madine ki galiyon ke par noor manzar
Meri dhadkanon mein samae hue hain
کرم کیجئے اے رسولِ مکرم
بڑے رنج و غم کے ستائے ہوئے ہیں
Karam keejiye ae Rasool-e-mukarram
Baray ranj-o-gham ke sataye hue hain
نگاہوں میں دکھ اور کاندھے پہ اپنے
گناہوں کی گٹھڑی اٹھائے ہوئے ہیں
Nigaahoon mein dukh aur kandhe pe apne
Gunahon ki gathri uthaye hue hain
اُدھر اشک شوئی کی خو آپ کی ہے
اِدھر فرقتوں کے رلائے ہوئے ہیں
Udhar ashk shuyi ki kho aap ki hai
Idhar furqaton ke rulae hue hain
ترے جود و لطف و عنایت کے بادل
سرِ ہفت افلاک چھائے ہوئے ہیں
Tere jood-o-lutf-o-inayat ke badal
Sar-e-haft aflak chhaye hue hain
ترا نقشِ پا چوم لینے کی حسرت
ازل سے دلوں میں بسائے ہوئے ہیں
Tera naqsh-e-pa choom lene ki hasrat
Azal se dilon mein basaye hue hain
کرم دو کریموں کا اشفاقؔ پر ہے
کہ عیب اس کے سارے چھپائے ہوئے ہیں
Karam do kareemon ka Ashfaq par hai
Ke aib is ke saare chhupaye hue hain
Share This Naat
Share with friends and family
خطا کار چوکھٹ پہ آئے ہوئے ہیں
اشفاق احمد غوری