کملی والے آپ نے ادنیٰ کو اعلیٰ کر دیا
بے کس و بد حال کو رشکِ زمانہ کر دیا
Kamli wale aap ne adna ko aala kar diya
Bay kas o bad haal ko rashk-e-zamana kar diya
کٹ گئی جڑ کفر کی ،ہر شرک کی، الحاد کی
ارضِ بطحا کو شہا! یوں صاف ستھرا کر دیا
Kat gayi jarr kufr ki, har shirk ki, ilhaad ki
Arz-e-Bat'ha ko shaha! yun saaf suthra kar diya
آپ کا آنا ہوا دن پھر گئے مظلوم کے
بے کس و لا چار کے غم کا مداوا کر دیا
Aap ka aana hua din phir gaye mazloom ke
Bay kas o la char ke gham ka madawa kar diya
انتشار و افتراق و دشمنی کی آگ کے
آپ نے آ کر شہا ! شعلوں کو ٹھنڈا کر دیا
Intishar o iftiraq o dushmani ki aag ke
Aap ne aa kar shaha! sholon ko thanda kar diya
خون کے رشتوں میں آئی نفرتوں کی جو خلیج
آپ نے پاٹا اسے اور پھر سے یکجا کر دیا
Khoon ke rishton mein aayi nafraton ki jo khaleej
Aap ne paata use aur phir se yakja kar diya
میں جلیلِ بے ہنر تیرہ میں تھا نا تین میں
آپ کی چشمِ کرم نے قد کو اونچا کر دیا
Main Jaleel-e-bay hunar teerah mein tha na teen mein
Aap ki chashm-e-karam ne qad ko ooncha kar diya
Share This Naat
Share with friends and family
کملی والے آپ نے ادنیٰ کو اعلیٰ کر دیا
حافظ عبدالجلیل