کیسے ہوئے مدینے سے رخصت نہ پوچھیے
دل پر گزر گئی جو قیامت نہ پوچھیے
Kaise huye Madine se rukhsat na poochhiye
Dil par guzar gayi jo qayamat na poochhiye
مڑمڑ کے پیچھے دیکھنا ہر ہر قدم کے بعد
اس اضطراب و کرب کی حالت نہ پوچھیے
MurMur ke peeche dekhna har har qadam ke baad
Is iztiraab o karb ki halat na poochhiye
جو سمیٹ لایا ہوں روضے کے پاس سے
اس ایک چٹکی خاک کی قیمت نہ پوچھیے
Jo sameet laya hoon roze ke paas se
Is ek chutki khaak ki qeemat na poochhiye
شہرِ نبیؐ کی گلیوں میں دیتے ہیں جو صدا
ان سائلوں کی عزت و حرمت نہ پوچھیے
Shehar-e-Nabi (ﷺ) ki galiyon mein dete hain jo sada
Un sailon ki izzat o hurmat na poochhiye
جس جس گلی سے گزرے ہیں ہو کر کبھی حضورؐ
اُن میں بسی ہوئی ہے جو نکہت نہ پوچھیے
Jis jis gali se guzre hain ho kar kabhi Huzoor (ﷺ)
Un mein basi hui hai jo nakhat na poochhiye
نعت نبیؐ کی فکر میں شام و سحر دَرُود
ہم سے ہماری طرزِ عبادت نہ پوچھیے
Naat Nabi (ﷺ) ki fikar mein shaam o sahar darood
Hum se hamari tarz-e-ibadat na poochhiye
ہر صنفِ شعر اپنی جگہ خوب ہے ‘ مگر
نعتِ رسول پاکﷺ کی لذّت نہ پوچھیے
Har sinf-e-sher apni jagah khoob hai ‘ magar
Naat-e-Rasool Pak (ﷺ) ki lazat na poochhiye
جس کا عمل بھی ٹھیک ہو اقبؔال ساتھ ساتھ
اس نعت گو کا حسنِ عقیدت نہ پوچھیے
Jis ka amal bhi theek ho Iqbal saath saath
Us naat go ka husn-e-aqeedat na poochhiye
Share This Naat
Share with friends and family
کیسے ہوئے مدینے سے رخصت نہ پوچھیے
پروفیسراقبال عظیم