کیسا پیغام مدینے سے صبا لائی ہے؟
میری تنہائی میں بھی انجمن آرائی ہے
Kaisa paighaam Madine se saba layi hai?
Meri tanhai mein bhi anjuman aarayi hai
میرے سینے میں بھی رہتی ہیں اُن کی یادیں
کیسے کہہ دوں مِرے قلب میں تنہائی ہے؟
Mere seene mein bhi rahti hain un ki yaaden
Kaise keh dun mere qalb mein tanhai hai?
پتے پتے کی زباں پر ہیں نبیؐ کی نعتیں
ایسے لگتا ہے مدینے سے ہَوا آئی ہے
Patte patte ki zabaan par hain Nabi (S.A.W) ki naatein
Aise lagta hai Madine se hawa aayi hai
کہہ رہی ہیں یہ گلستاں میں بہاریں آقاؐ
غنچے غنچے میں فقط آپؐ کی رعنائی ہے
Keh rahi hain yeh gulistaan mein baharein Aaqa (S.A.W)
Ghunche ghunche mein faqat aap (S.A.W) ki ranai hai
پھر مِرے لب پہ اُتر آئی درودوں کی پھوار
پھر مِرے سامنے رحمت کی گھٹا چھائی ہے
Phir mere lab pe utar aayi duroodon ki phuhaar
Phir mere samne rehmat ki ghata chhaayi hai
اُس پہ کب اُترے زمانے میں اندھیرے فیضیؔ
روضہِ پاک سے جس نے بھی ضیا پائی ہے
Us pe kab utre zamaanay mein andhere Faizi
Roza-e-Paak se jis ne bhi ziya paayi hai
Share This Naat
Share with friends and family
کیسا پیغام مدینے سے صبا لائی ہے؟
اسلم فیضی