کہوں کیاحال زاہد گلشنِ طیبہ کی نزہت کا
کہ ہے خلد بریں چھوٹا سا ٹکڑا میری جنت کا
Kahoon kia haal zahid gulshan-e-taiba ki nazzat ka
ke hai khald bareen chhota sa tukra meri jannat ka
تَعَالَی اللہ شوکت تیرے نام پاک کی آقا
کہ اب تک عرشِ اعلیٰ کوہے سکتہ تیری ہیبت کا
Ta'ala Allah shaukat tere naam pak ki aaqa
ke ab tak arsh-e-a'la kohai sakta teri haibat ka
وکیل اپنا کیا ہے اَحمد مختار کو میں نے
نہ کیوں کر پھر رہائی میری منشا ہو عدالت کا
wakeel apna kiya hai ahmed mukhtar ko main ne
na kyun kar phir rehai meri masha ho adalat ka
بلاتے ہیں اسی کو جس کی بگڑی یہ بناتے ہیں
کمر بندھنا دیارِ طیبہ کو کھلنا ہے قسمت کا
Bulate hain usi ko jis ki bigri ye banate hain
kamar bandh na diyar-e-taiba ko khulna hai kismat ka
کھلیں اِسلام کی آنکھیں ہوا ساراجہاں روشن
عرب کے چاندصدقے کیاہی کہنا تیری طلعت کا
Kulein islam ki aankhein hua sara jahan roshan
arab ke chaand sadqay kya hi kehna teri tal'at ka
نہ کر رُسوائے محشر واسطہ محبوب کا یارب
یہ مجرم دُور سے آیا ہے سن کر نام رحمت کا
Na kar ruswaaye mahasher wasita mehboob ka ya rab
ye mujrim door se aaya hai sun kar naam rahmat ka
مرادیں مانگنے سے پہلے ملتی ہیں مدینہ میں
ہجوم جود نے روکا ہے بڑھنا دست حاجت کا
Muraden maangne se pehle milti hain madina mein
hajoom jod ne roka hai barhna dast haajat ka
شب اَسری ترے جلوؤں نے کچھ ایسا سماں باندھا
کہ اب تک عرشِ اَعظم منتظر ہے تیری رخصت کا
Shab asri tere jalvon ne kuch aisa samaa bandha
ke ab tak arsh-e-a’zam muntazir hai teri rukhsat ka
یہاں کے ڈوبتے دَم میں ادھر جا کر اُبھرتے ہیں
کنارہ ایک ہے بحرِ ندامت بحرِ رحمت کا
Yahaan ke doobte dam mein idhar ja kar ubharte hain
kinara ek hai bahr-e-nadamat bahr-e-rahmat ka
غنی ہے دل بھرا ہے نعمت کونین سے دامن
گدا ہوں میں فقیر آستانِ خود بدولت کا
Ghani hai dil bhara hai ne'mat kounain se daaman
gada hoon main faqeer astan-e-khud badoulat ka
طوافِ روضۂ مولیٰ پہ نا واقف بگڑتے ہیں
عقیدہ اور ہی کچھ ہے اَدَب دانِ محبت کا
Tawaf-e-rozah-e-maula pe na waqif bigadte hain
aqeeda aur hi kuch hai adab dan-e-mohabbat ka
خزانِ غم سے رکھنا دور مجھ کواس کے صدقے میں
جو گل اے باغباں ہے عطر تیرے باغ صنعت کا
Khazan-e-gham se rakhna door mujh ko us ke sadqay mein
jo gul aay baghban hai itar tere bagh san'at ka
الٰہی بعد مردن پردہ ہائے حائل اُٹھ جائیں
اُجالا میرے مرقد میں ہو اُن کی شمع تربت کا
Ilahi ba'd mardan parda haaye haayil uth jaayein
ujala mere marqad mein ho un ki shama'e turbat ka
سنا ہے روزِ محشرآپ ہی کا مونہہ تکیں گے سب
یہاں پورا ہوا مطلب دلِ مشتاق رُویت کا
Suna hai roz-e-mahshar aap hi ka moonh takenge sab
yahaan poora hua matlab dil-e-mushtaqe rooyat ka
وجودِ پاک باعث خلقت مخلوق کا ٹھہرا
تمہاری شانِ وَحدت سے ہوا اِظہار کثرت کا
Wajood-e-pak bais-e-khalqat makhlooq ka thehra
tumhari shaan-e-wahdat se hua izhaar kasrat ka
ہمیں بھی یاد رکھنا ساکنانِ کوچۂ جاناں
سلامِ شوق پہنچے بیکسانِ دَشت غربت کا
Humain bhi yaad rakhna sakanan-e-koocha-e-jaan'an
Slam-e-shoq pahunche baikasaan-e-dasht-e-ghurabat ka
حسنؔ سرکارِ طیبہ کا عجب دَربارِ عالی ہے
درِ دولت پہ اِک میلا لگا ہے اَہل حاجت کا
Hassan sarkar-e-taiba ka ajab darbar-e-aali hai
dar-e-doulat pe ik mela laga hai ahl-e-haajat ka
Share This Naat
Share with friends and family
کہوں کیاحال زاہد گلشنِ طیبہ کی نزہت کا
حسن رضا خان