کہیں نہ دیکھا زمانے بھر میں جو کچھ مدینے میں آکے دیکھا
تجلیوں کا لگا ہے میلہ جِدھر نگاہیں اٹھا کر دیکھا
Kahin na dekha zamane bhar mein jo kuch Madine mein aake dekha
Tajaliyon ka laga hai mela jidhar nighahein utha kar dekha
وہ دیکھو دیکھو سنہری جالی، اِدھر سوالی اُدھر سوالی
قریب سے جو بھی ان کے گذرا حضور نے مسکُرا کر دیکھا
Woh dekho dekho sunehri jali, idhar sawali udhar sawali
Qareeb se jo bhi unke guzra Huzoor ne muskara kar dekha
عجیب لذّت ہے بیخودی کی، عجب کشش ہے درِ نبی کی
سُرور کیسا ہے کچھ نہ پوچھو لپٹ کے سینے لگا کے دیکھا
Ajeeb lazat hai bekhudi ki, ajab kashish hai dar-e-Nabi ki
Suroor kaisa hai kuch na poochho lipat ke sine laga ke dekha
طواف روضے کا کر رہی ہیں یہاں وہاں اشکبارِ آنکھیں
ہے گونج صلِ علیٰ کی ہر سوُ جہاں، جہاں پہ بھی جاکے دیکھا
Tawaaf roze ka kar rahi hain yahan wahan ashkbaar-e-aankhein
Hai goonj Sal-e-Alla ki har soo jahan, jahan pe bhi jaake dekha
جہاں گئے ان کا ذکر چھیڑا جہاں رہے ان کی یاد آئی
نہ غم زمانے کے پاس آئے نبی کی نعتیں سُنا کے دیکھا
Jahan gaye un ka zikr cheda jahan rahe un ki yaad aayi
Na gham zamane ke paas aaye Nabi ki naatein suna ke dekha
ظہوری جاگے نصیب تیرے بس اِک نگاہِ کرم کے صدقے
کہ بار بار اپنے در پہ تجھ کو تیرے نبی نے بُلا کے دیکھا
Zahoori jage naseeb tere bas ik nigha-e-karam ke sadqe
Ke baar baar apne dar pe tujh ko tere Nabi ne bula ke dekha
Share This Naat
Share with friends and family
کہیں نہ دیکھا زمانے بھر میں
محمد علی ظہوری