کدی اٹھدی سی کدی بہندی سی
اوہ ڈگدی ڈھندی رہندی سی
Kadi uthdi si kadi bahandi si
Oh dagdi dhundi rehndi si
اوہنوں کول نہ کوئی بٹھاوند اسی
اوہنوں نال نہ کوئی رلاوندا سی
Ohnu kol na koi bithaunaand asi
Ohnu naal na koi ralaounda si
اوہدی لنگھدی کویں دہاڑی سی
اوہدی ڈآچی سب توں ماڑی سی
Ohdi langhdi kuwen dhahari si
Ohdi dhiyaari sab ton maari si
اس ڈاچی تے جیہڑی مائی سی
اوہدا نام حلیمہؓ دائی سی
Is dhiyaari te jihri mai si
Ohda naam Haleema رضي الله عنها dai si
آخر وچ مکے آئی سی
پچھوں آ کے پچھتائی سی
Akhir vich makay aayi si
Pachon aa ke pachtayi si
ہر بوہا اس کھڑکایا سی
اوہنوں خیر کسے نہ پایا سی
Har boha as kharkaya si
Ohnu khair kase na paya si
ہر درد دی بنی سوالی سی
اوہدی جھولی فیر وی خالی سی
Har dard di bani sawali si
Ohdi jholi phir vi khaali si
جدوں سارے پاسیوں رہ گئی اے
سرکار دے بوہے بہہ گئی اے
Jadon saare pasion reh gayi ae
Sarkar de bohe beh gayi ae
آخر اوہ بوہا جڑیا اے
جتھوں خالی کوئی نہ مڑیا اے
Akhir oh boha jariya ae
Jithon khaali koi na murya ae
رحمت دا جھلا جھلیا اے
سرکار دا بوہا کھلیا اے
Rehmat da jhala jhaliya ae
Sarkar da boha khuliya ae
اک لونڈی باہر آئی اے
دائی ول جھاتی پائی اے
Ik londi bahar aayi ae
Dai val jhaati payi ae
پھڑ باہوں اوس اٹھایا اے
نالے مونہوں ایہہ فرمایا اے
Phar bahon os utthaya ae
Naale moonhoon ehh farmaiya ae
آ تینوں نال لے جاواں میں
اک نوری مکھ وکھاواں میں
Aa tainu naal le javan main
Ik noori mukh vakhawan main
ساڈے ویڑے اوہ چن چڑھیا اے
جدھا چن نے وی کلمہ پڑھیا اے
Saade vehre oh chan charhiya ae
Jadha chan ne vi kalma parha ae
گئی نال حلیمہؓ دائی اے
جد نظر سوہنے تے پائی اے
Gayi naal Haleema رضي الله عنها dai ae
Jad nazar sohne te payi ae
دل پھڑ کے اپنا بہہ گئی اے
سوہنے نوں تکدی رہ گئی اے
Dil phad ke apna beh gayi ae
Sohne nu takdi reh gayi ae
اج جاگیا بخت حلیمہؓ دا
ملیا لجپال یتیماں دا
Aj jagiya bakht Haleema رضي الله عنها da
Miliya lajpala yetimaan da
پھڑ سوہنا لایا سینے نوں
رحمت دے پاک خزینے نوں
Phar sohna laya seene nu
Rehmat de paak khazine nu
ملی دل نوں بڑی تسلی اے
سرکار نوں لے کے چلی اے
Mili dil nu barri tasalli ae
Sarkar nu le ke chali ae
جدوں پیر کلی وچہ دھریا اے
رحمت نال ویہڑا بھریا اے
Jadon peer kali wich dhariya ae
Rehmat naal vehra bhariya ae
پئی لوری آپ سناندی اے
نالے صدقے واری جاندی اے
Pai lori aap sanandi ae
Naale sadke waari jandi ae
بنو سعد دیاں جو دائیاں نیں
چل کول حلیمہؓ آئیاں نیں
Banu Saad diyan jo daiiyan ne
Chal kol Haleema رضي الله عنها aaiyan ne
سب پچھن باہر نہ آنی ایں
نہ سانوں شکل وکھانی ایں
Sab pachan bahar na ani ean
Na saanu shakal vakhaani ean
کویں اپنا وقت لنگھانی ایں
کتھوں پینی ایں کتھوں کھانی ایں
Kuwen apna vakt langhani ean
Kithon peeni ean kithon khani ean
بولی ایہہ حلیمہؓ دائیاں نوں
خیریت پچھن آئیاں نوں
Boli ehh Haleema رضي الله عنها daaiyan nu
Khairiyat pachhan aaiyan nu
میں باہر تے نئیں آنی آں
نہ تہانوں شکل وکھانی آں
Main bahar te nahi aani aan
Na tahnu shakal vakhaani aan
جاندی نئیں کسے وی پاسے میں
بس ویہڑے وچ گھم لینی آں
Jandi nahi kise vi pase main
Bas vehre vich ghum leeni aan
جدوں مینوں بھکھ لگ جاندی اے
سرکار دا منہ چم لینی آں
Jadon mainu bhukh lag jandi ae
Sarkar da munh chum leeni aan
دھن بھاگ ظہوریؔ دائی دا
ملیا محبوب خدائی دا
Dhan bhaag Zahoori رضي الله عنها daai da
Miliya mehboob khudayi da
Share This Naat
Share with friends and family
کدی اٹھدی سی کدی بہندی سی
محمد علی ظہوری