کعبہ سے جائوں مدینہ تو مدینے سے نجف
ہے سعادت کی سعادت تو شرف کا ہے شرف
Kaaba se jaon Madinah to Madine se Najaf
Hai sa'adat ki sa'adat to sharf ka hai sharf
خوب سے بھی ہے سوا اور عُلیٰ تر ہے شغف
’’سطرِ مدحت کا سفر شہرِ مدینہ کی طرف‘‘
Khub se bhi hai sawa aur ulaya tar hai shughaf
"Satr-i-midhat ka safar shehar-i-Madinah ki taraf"
شہرِ طیبہ کی فضائوں کا اثر اتنا ہے
قطرہ بن جائے گہر اور گہر بار صدف
Shehar-i-Tayyabah ki fizaon ka asar itna hai
Qatra ban jaye gohar aur gohar baar sadaf
با جماعت تھی حرم میں وہ عجب پہلی نماز
دو محافظ تھے ، امام آپؐ ، صحابہؓ کی تھی صف
Ba-jama'at thi Haram mein woh ajab pehli namaz
Do muhafiz the, Imaam aapﷺ, sahabaؓ ki thi saf
زندگی آخری عشرے کی گزر گاہ میں ہے
کاش پورا ہو مرا آپؐ کی مدحت کا ہدف
Zindagi aakhri ashray ki guzar gah mein hai
Kaash poora ho mera aapﷺ ki midhat ka hadaf
فردِ اعمال سے یہ اشکِ ندامت میرے
میرے عصیاں کے نشاں سارے ہی کر دیں گے حذف
Fard-i-a'maal se yeh ashk-i-nadamat mere
Mere 'isyan ke nishaan saare hi kar denge hazf
دوستو! قبر میں طاہرؔ کو اتارو جس دم
کرنا ہمراہِ کفن نعت کا تعویز بھی لف
Dosto! qabr mein Tahir ko utaaro jis dam
Karna hamraah-i-kafan naat ka ta'weez bhi laf
Share This Naat
Share with friends and family
کعبہ سے جائوں مدینہ تو مدینے سے نجف
پروفیسر محمد طاہر صدیقی