میں کرتا ہوں توصیفِ ذاتِ گرامی
اگرچہ نہیں ہوں میں سعدی و جامی
Main karta hoon tauseef-e-zaat-e-grami
Agarche nahi hoon main saadi o jaami
فقط اتنی خواہش ہے حرفِ سخن کی
رہے میری نس نس میں ان کی غلامی
Faqat itni khwahish hai harf-e-sukhan ki
Rahe meri nas nas mein un ki ghulami
نگاہیں جمی ہیں مری راستے پر
پیامِ سفر لے کے آئے پیامی
Nigahen jami hain meri raste par
Paigham-e-safar le ke aaye paighami
ازل سے ہے تشنہ یہ تیرا بھکاری
مٹا دیجئے یا نبی تشنہ کامی
Azal se hai tashna ye tera bhikari
Mita dijiye ya Nabi tashna kami
ترا نام ہے رفعتوں پر فروزاں
تجھی کو ملا ہے عروجِ دوامی
Tera naam hai rifat-on par farozan
Tujhi ko mila hai urooj-e-dawami
کبھی خواب سر گوشیاں ہوں مقدر
سماعت کروں تیری شستہ کلامی
Kabhi khwab sar goshiyaan hoon muqaddar
Sama'at karun teri shusta kalami
ترے سنگِ در کی ہے کیا شان آقا
فرشتے مچلتے ہیں بہرِ سلامی
Tere sang-e-dar ki hai kya shaan aaqa
Farishtay machalte hain bahr-e-salami
بچھائی ہیں پلکیں ترے راستے میں
عنایت ہو پلکوں کو اوجِ خرامی
Bichaai hain palken tere raste mein
Inayat ho palkon ko aoj-e-kharami
وہ تیرے خیالوں میں مشغول بندہ
تری نعت کہتا ہے اشفاقؔ نامی
Wo tere khayalon mein mashghul banda
Teri naat kehta hai Ashfaq naamri
Share This Naat
Share with friends and family
میں کرتا ہوں توصیفِ ذاتِ گرامی
اشفاق احمد غوری