کعبؓ و حسّانؓ کا ہم ذوقِ ثنا ڈھونڈیں گے
عرضِ مدحت کو نیا حسنِ ادا ڈھونڈیں گے
Kabaؓ o hassanؓ ka hum zouq-e-sana dhoondein ge
Arz-e-mad'hat ko naya husn-e-ada dhoondein ge
کیا کلام اللہ کا ’’اقرا‘‘ میں مزہ تھا پنہاں
اس تلطّف کے لیے غارِ حرا ڈھونڈیں گے
Kya kalam Allah ka "Iqra" mein maza tha pinhan
Us talatuf ke liye ghar-e-hira dhoondein ge
ہم بہ توفیقِ خدا، رحمتِ عالم کے طفیل
دہر میں رہتے ہوئے اپنی بقا ڈھونڈیں گے
Hum ba tawfeeq-e-Khuda, rehmat-e-aalam ke tufail
Dehr mein rehte hue apni baqa dhoondein ge
حبِّ احمدؐ سے سدا دل کو مصفّیٰ کر کے
’’آپؐ کی سیرتِ اطہر سے ضیا ڈھونڈیں گے‘‘
Hub-e-Ahmadؐ se sada dil ko musaffa kar ke
"Aapؐ ki seerat-e-athar se ziya dhoondein ge"
اسوۂ سرورِ عالمؐ سے چراغاں کر کے
اپنے ماحول میں طیبہ کی فضا ڈھونڈیں گے
Uswa-e-sarwar-e-aalamؐ se charaghan kar ke
Apne mahol mein tayyaba ki faza dhoondein ge
ہم ابوبکرؓ کی ڈھونڈیں گے صداقت ہر دم
عدلِ فاروقؓ سی دنیا میں ادا ڈھونڈیں گے
Hum Abu Bakrؓ ki dhoondein ge sadaqat har dam
Adl-e-Farooqؓ si duniya mein ada dhoondein ge
جن میں عثمانِ غنیؓ کی ہو سخا کی خوشبو
وہی گلہائے وفا مثلِ صبا ڈھونڈیں گے
Jin mein Usman-e-Ghaniؓ ki ho sakha ki khushbu
Wohi gulha-e-wafa misl-e-saba dhoondein ge
ہیں علیؓ علم و شجاعت کی فضیلت کے امیں
انؓ کے کردار سے ہم رنگ جدا ڈھونڈیں گے
Hain Aliؓ ilm o shuja'at ki fazilat ke amin
Unؓ ke kirdar se hum rang juda dhoondein ge
جس سے اصحابِ مکرّم کا تھا ایماں قائم
اپنے ایماں میں وہی خوفِ خدا ڈھونڈیں گے
Jis se as'hab-e-mukarram ka tha imaan qaim
Apne imaan mein wohi khauf-e-Khuda dhoondein ge
گنبدِ سبز اماں دے گا خزائوں سے ہمیں
خاکِ طیبہ میں ہر اک دکھ کی دوا ڈھونڈیں گے
Gumbad-e-sabz amaan de ga khazaon se humein
Khak-e-Tayyaba mein har ek dukh ki dawa dhoondein ge
عالمِ زیست کی سب نعمتیں طاہرؔ ہیں وہاں
ہم بھی طیبہ میں کہیں اپنی جگہ ڈھونڈیں گے
Alam-e-zeest ki sab na'matein Tahirؔ hain wahan
Hum bhi tayyaba mein kahin apni jagah dhoondein ge
Share This Naat
Share with friends and family
کعبؓ و حسّانؓ کا ہم ذوقِ ثنا ڈھونڈیں گے
پروفیسر محمد طاہر صدیقی