’’جز اسوۂ رسول ہر اک راستہ غلط‘‘
سیرت کے ہو خلاف تو ہر واقعہ غلط
''Juz uswa-e-Rasool har ik rasta ghalat''
Seerat ke ho khilaf to har waqia ghalat
آلِ نبی سے بغض کا ہو شائبہ اگر
ایسے لعین شخص سے ہے واسطہ غلط
Aal-e-Nabi se bughz ka ho shaiba agar
Aisay laeen shakhs se hai wasita ghalat
جس میں نبی کی یاد ہو خلوت ہے بس وہی
غافل کرے جو یاد سے ، وہ تخلیہ غلط
Jis mein Nabi ki yaad ho khalwat hai bas wohi
Ghafill kare jo yaad se, woh takhliyat ghalat
سنت کے باغیوں کو جو کہتا ہے سرخرو
اس تجزیہ نگار کا ہر تجزیہ غلط
Sunnat ke baghiyon ko jo kehta hai surkhro
Us tajziya nigar ka har tajziya ghalat
جو مصطفےٰ نے کہہ دیا حق ہے فقط وہی
جز اس کے سارا فلسفہ ، ہر نظریہ غلط
Jo Mustafa ne keh diya haq hai faqat wohi
Juz is ke sara falsafa, har nazriya ghalat
دامن نبی کا چھوڑ کے منزل کرے تلاش
ایسا اگر کرے تو وہ ہے تجربہ غلط
Daman Nabi ka chorh ke manzil kare talaash
Aisa agar kare to woh hai tajruba ghalat
جس کا وہ حکم دیں تو اسی راہ پر چلو
روکیں حضور جس سے وہی راستہ غلط
Jis ka woh hukm dein to ussi rah par chalo
Rokein Huzoor jis se wohi rasta ghalat
دہلیزِ مصطفیٰ پہ جو لے جائے وہ صحیح
باقی ہر ایک فکر کا ہے زاویہ غلط
Dahleez-e-Mustafa pe jo le jaye woh sahee
Baaki har ik fikr ka hai zavia ghalat
ہو بے ادب حضور کا گستاخ ہو کوئی
مومن کرے گا اس سے اگر تصفیہ، غلط
Ho be adab Huzoor ka gustakh ho koi
Momin kare ga us se agar tasfiya, ghalat
جس کے سبب سے خطرۂ ایماں رہے جلیل
ایسے ہر ایک شخص سے ہے رابطہ غلط
Jis ke sabab se khatra-e-imaan rahe jaleel
Aisay har ik shakhs se hai rabita ghalat
Share This Naat
Share with friends and family
جز اسوۂ رسول ہر اک راستہ غلط
حافظ عبدالجلیل