جو یقیں زاد ہے جو صابر ہے
کربلا کا وہی مسافر ہے
Jo yaqeen zaad hai jo sabir hai
Karbala ka wahi musaafir hai
ہے شہادت وہ زندگی جس کا
علم باطن ہے عدل ظاہر ہے
Hai shahadat wo zindagi jis ka
Ilm-e-baatin hai adl zaahir hai
خاک پر چاند ہے شریعت کا
خون، اسلام کا مصوّر ہے
Khaak par chaand hai shariat ka
Khoon, Islam ka musawwir hai
سوئے حق کیوں نہ جائیں دیوانے
یہ سفر راستے کا مُخبر ہے
Sooye Haq kyun na jayein deewane
Ye safar raaste ka mukhbir hai
صرف لاشیں ہیں مقتدی جس کی
موت اب وہ امامِ حاضر ہے
Sirf laashein hain muqtadi jis ki
Maut ab wo Imam-e-Haazir hai
سب نمازوں کا مرکز اک سجدہ
ایک سجدہ جو حق کی خاطر ہے
Sab namazon ka markaz ik sajda
Ek sajda jo Haq ki khaatir hai
دفن اک قبر میں ہے ابنِ علی
اور ساری زمیں مجاور ہے
Dafn ik qabr mein hai Ibn-e-Ali
Aur saari zameen mujawwir hai
ظلم سے میں بھی جنگ کرتا ہوں
میرا ماضی مرا معاصر ہے
Zulm se main bhi jung karta hoon
Mera maazi mera muaasir hai
اس کے پیغام آخری کو سلام
جس کا ہر سانس حرفِ آخر ہے
Us ke paighaam aakhri ko salaam
Jis ka har saans harf-e-aakhir hai
کیوں نہ بیعت حواس خمسہ کریں
وارثی پنجتن کا شاعر ہے
Kyun na bait hawaas-e-khamsa karein
Warisi Panjtan ka shaayar hai
Share This Naat
Share with friends and family
جو یقیں زاد ہے جو صابر ہے
مظفر وارثی