جو ہجرِ درِ شاہ کا بیمار نہیں ہے
وہ وصل کی لذت کا بھی حقدار نہیں ہے
Jo hijr-e dar-e Shah ka bemar nahin hai
Woh wasal ke lazzat ka bhi haqdar nahin hai
سادات سے نفرت ہے ترے دل میں تو گویا
جنت سے تجھے کوئی سروکار نہیں ہے
Sadat se nafrat hai tere dil mein to goya
Jannat se tujhe koi sarokar nahin hai
اُس موسمِ گل کا بھی ارے ذوق ہے کیسا
جو خارِ مدینہ کا پرستار نہیں ہے
Us mausam-e gul ka bhi aray zouq hai kaisa
Jo khar-e Madinah ka parastar nahin hai
حتّٰی کہ تمہیں قربِ خدا کی بھی طلب ہو
اِس بارگہِ ناز سے انکار نہیں ہے
Hatta ke tumhein qurb-e Khuda ki bhi talabb ho
Is bargah-e naz se inkaar nahin hai
پھر بھی ہے تجھے گردشِ حالات کا رونا
کیا مولا ترا حیدرِ کرّار نہیں ہے ؟
Phir bhi hai tujhe gardish-e halaat ka rona
Kya Maula tera Haider-e Karrar nahin hai?
جنت کو بھی کہتے ہیں اِسی واسطے جنت
کوئی وہاں سرکار کا غدّار نہیں ہے
Jannat ko bhi kehte hain isi wastay jannat
Koi wahan Sarkar ka ghaddar nahin hai
گر جاتا ہے سجدے میں سرِ گنبدِ خضرٰی
دل سر کی طرح اتنا سمجھدار نہیں ہے
Gir jata hai sajday mein sar-e gunbad-e Khizra
Dil sar ki tarah itna samajhdar nahin hai
امید ہے کیا اس کو درِ مصطفوی سے
بوبکر و عمر کا جو وفادار نہیں ہے
Umeed hai kya is ko dar-e Mustafa se
Bubakar o Umar ka jo wafadar nahin hai
اِس بات کا امکان سرے سے ہی نہیں ہے
سرکار کہیں منگتے کو ’’اس بار نہیں ہے‘‘
Is baat ka imkaan sare se hi nahin hai
Sarkar kahin mangtay ko "is bar nahin hai"
اشکوں کے سوا تیرے تبسم کی طلب ہے
کچھ اور مرے توشے میں سرکار نہیں ہے
Ashkon ke siwa tere tabassum ki talabb hai
Kuch aur mere toshay mein Sarkar nahin hai
Share This Naat
Share with friends and family
جو ہجرِ درِ شاہ کا بیمار نہیں ہے
حافظ محمد ابوبکر تبسمؔ