جو گلے لگائے عدو کو بھی وہ رسول میرا رسول ہے
کوئی خالی ہاتھ گیا نہیں یہ میرے سخی کا اُصول ہے
Jo gale lagaye adu ko bhi wo Rasool mera Rasool hai
Koi khaali haath gaya nahi yeh mere sakhi ka usool hai
تو جو چاہے راضی ہو مصطفے تو جو چاہے تجھ کو ملے خدا
کسی ٹوٹے دل کو تلاش کر کہ وہ دل خدا کو قبول ہے
Tu jo chahe raazi ho Mustafa tu jo chahe tujhe mile Khuda
Kisi toote dil ko talash kar ke wo dil Khuda ko qubool hai
جہاں فرشیوں کے قدم لگے جہاں عرشیوں کے بھی سر جھکے
جہاں غمزدوں کو سکوں ملے وہ اک آستانِ رسول ہے
Jahan farshiyon ke qadam lage jahan arshiyon ke bhi sar jhuke
Jahan ghamzado ko sukoon mile wo ek astan-e-Rasool hai
وہ جہاں جہاں سے گزر گئے وہاں پھول مہکے بہار کے
وہ جہاں گئے وہ جہاں رُکے وہاں رحمتوں کا نزول ہے
Wo jahan jahan se guzar gaye wahan phool mehkay bahar ke
Wo jahan gaye wo jahan ruke wahan rehmaton ka nazool hai
وہ نبی جو میرا بھلا کرے میری بخششوں کی دُعا کرے
مجھے بھول جائے وہ حشر میں میرے دشمنوں کی یہ بھول ہے
Wo Nabi jo mera bhala kare meri bakhshishon ki dua kare
Mujhe bhool jaye wo hashr mein mere dushmanon ki yeh bhool hai
اسے جھک کے چوما ہے عرش نے ہے لگی نبی کے یہ پاؤں سے
اسے ڈال آنکھوں میں شوق سے یہ در رسول کی دُھول ہے
Use jhuk ke chooma hai arsh ne hai lagi Nabi ke yeh paaon se
Use daal aankhon mein shauq se yeh dar Rasool ki dhool hai
اُسے کوئی ڈر ہے نہ کوئی غم ہے نبی کا اس پر سدا کرم
ہے وہ ہر نگاہ میں محترم جو غلام آل بتول ہے
Use koi dar hai na koi gham hai Nabi ka us par sada karam
Hai wo har nigah mein mohtaram jo ghulam Aal-e-Batool hai
یہی فیصلے ہیں شعور کے سدا گیت گاؤ حضور کے
نہیں پیار جس کو حضور سے وہ تو آدمی ہی فضول ہے
Yahi faislay hain shaor ke sada geet gao Huzoor ke
Nahi pyaar jisko Huzoor se wo to aadmi hi fuzool hai
ہے تجھی سے عظمت سرمدی ہے تجھی سے حسن میں دلکشی
جسے چھو سکے نہ خزاں کبھی تو سدا بہار وہ پھول ہے
Hai tujhi se azmat sarmadi hai tujhi se husn mein dilkashi
Jise choo sake na khizan kabhi tu sada bahar wo phool hai
یہ نیازی جائے کہاں شہا کہ ہے نام لیوا یہ آپ کا
یہی جا کے کہنا تو اے صبا کہ وہ غمزدہ ہے ملول ہے
Yeh Niazi jaye kahan shaha ke hai naam lewa yeh aap ka
Yahi ja ke kehna to ae saba ke wo ghamzada hai malool hai
Share This Naat
Share with friends and family
جو گلے لگائے عدو کو بھی وہ رسول میرا رسول ہے
عبدالستار نیازی