جِتھوں جگ رُشنائی لیندا اے جتھے فجر تمام نہ ہوندی اے
چلو چلئے یار مدینے نوں اوتھے کدی وی شام نہ ہوندی اے
Jitho jag rushnai leinda ae jithe fajr tamam na hondi ae
Chalo chaliye yaar madine nu othe kadi vi shaam na hondi ae
کر عمل حضورؐ دے حکماں تے جھک جا سرکار دے قدماں تے
کس کم اوہ گولی آقا دی جہڑی دلوں غلام نہ ہوندی اے
Kar amal Huzoorؐ de hukmaan te jhuk ja srkaar de qadamman te
Kis kam oh goli aaqa di jhri dilon ghulam na hondi ae
جنہاں تن من واریاں سوہنے توں مر کے وی سدا اوہ زندہ نیں
اوہ جان سدا بے جان رہوے جہڑی یار دے نام نہ ہوندی اے
Jinna tan man wariyan sohne toon mar ke vi sada oh zinda ne
Oh jaan sada bejaan rahove jhri yaar de naam na hondi ae
مل اوس دا کِتے نہ کوئی اے جنہوں یار دے گھر نہ ڈھوئی اے
بھانویں شکل وی سوہنی ہوندی اے بھانویں عقل وی خام نہ ہوندی اے
Mil os da kite na koi ae jinhoo yaar de ghar na dhoi ae
Bhanwe shakal vi sohnhi hondi ae bhanwe aqal vi khaam na hondi ae
گستاخ جہڑے محبوباں دے اونہاں توں کنارا چنگا اے
ایسے بندے نال ساڈی تے کدی دعا سلام نہ ہوندی اے
Gustakh jhry mehbooban de onha toon kanaara changa ae
Aise bande naal sadi te kadi dua salam na hondi ae
جدوں دنیا والے سوں جاندے اودوں اللہ والے جاگدے نیں
بندگی ایہہ ظہوریؔ ایسی اے جہڑی برسرِ عام نہ ہوندی اے
Jadon duniya wale soo jande odon Allah wale jagde ne
Bandagi eh Zahooriؔ aisi ae jhri barasrِ عام na hondi ae
Share This Naat
Share with friends and family
جِتھوں جگ رُشنائی لیندا اے جتھے فجر تمام نہ ہوندی اے
محمد علی ظہوری