جس سے دونوں جہاں جگمگانے لگے گود میں آمنہ کی وہ نور آگیا
عاصیوآج تقدیر بھی جاگ اٹھی آج محبوبؐ ِ رب غفور آگیا
Jis se donon jahan jagmagane lage god mein amna ki wo noor agaya
Aasiyo aaj taqdeer bhi jag uthhi aaj mahboob-e-Rab Ghafoor agaya
مل گیا جذبہ بیکراں مل گیا سجدہِ شوق کو آستاں مل گیا
رقص کرنے لگی جھوم کر زندگی عشق کو بندگی کا شعور آگیا
Mil gaya jazba baikaran mil gaya sajda-e-shauq ko aastaan mil gaya
Raqs karne lagi jhoom kar zindagi ishq ko bandagi ka shaoor agaya
بھردئیے اپنی قدرت کے رنگ اس میں سب انکی تصویر کھینچی مصور نے جب
جس نے دیکھا انہیں دیکھتا رہ گیا جامِ نظارہ پی کر سرور آگیا
Bhar diye apni qudrat ke rang is mein sab unki tasveer kheenchhi musawwir ne jab
Jis ne dekha unhein dekhta reh gaya jaam-e-nazara pi kar suroor agaya
آگیا انقلاب اک جہاں میں عجب ٹوٹ کر رہ گیا ہر غرور ِ نسب
بن گیا ایک حبشی بھی رشکِ عرب سارے بے نور چہروں پہ نور آگیا
Agaya inqilab ek jahan mein ajab toot kar reh gaya har gharoor-e-nasab
Ban gaya ek habshi bhi rashk-e-arab saare be noor chehron pe noor agaya
تشنہ کاموں پیو سیر ہو کر پیو جس طرح حق ہے جینے کا ایسے جیو
ایسا ساقی کہیں جس کا ثانی نہیں وہ پلانے شراب ِ طہور آگیا
Tishna kamo piyo seer ho kar piyo jis tarah haq hai jeene ka aise jiyo
Aisa saqi kahin jis ka sani nahi wo pilane sharaab-e-Tahoor agaya
سر پہ تاجِ شفاعت سجائے ہوئے درد امت کا دل میں چھپائے ہوئے
عاصیو آؤ بڑھکر قدم چوم لو دیکھو سلطان ِ یوم ِ نشور آگیا
Sar pe taj-e-shafaat sajaye hue dard ummat ka dil mein chhupaye hue
Aasiyo aao barh kar qadam choom lo dekho Sultan-e-Yom-e-Nashoor agaya
ڈھونڈتا ہی رہے گا زمانہ مجھے غم بنائے گا کیسے نشانہ مجھے
انکے دامن کا جب سے سہارا ملا حادثوں کی حدوں سے میں دور آگیا
Dhondta hi rahe ga zamana mujhe gham banaye ga kaise nishana mujhe
Unke daman ka jab se sahara mila hadson ki hadon se main door agaya
آپؐ تو آپؐ ہیں آپؐ کا نام بھی وجہِ تو قیر و عزت ہے اکرام بھی
درد میں جب زباں پر فروزاں ہوا چین دل کو ہمارے ضرور آگیا
Aap to aap hain aap ka naam bhi wajah-e-taqeer o izzat hai ikram bhi
Dard mein jab zaban par farozan hua chain dil ko hamarey zaroor agaya
بھیک حسبِ کرم ہی عطا کیجئے میرے دامن کی تنگی کو مت دیکھئے
والئ بیکساں لاج رکھ لیجئے در پہ خالدؔ تمہارے حضورؐ آگیا
Bheek hasb-e-karam hi ata kijiye mere daman ki tangi ko mat dekhiye
Wali-e-baikasaan laaj rakh lijiye dar pe Khalid tumhare huzoor agaya
Share This Naat
Share with friends and family
جس سے دونوں جہاں جگمگانے لگے
خالد محمود خالد