Hamad
جس نے رکھی ہے ہمیشہ مِرے گھر بار کی لاج
جس نے رکھی ہے ہمیشہ مِرے گھر بار کی لاج
حشر میں بھی وہی رکھے گا گنہگار کی لاج
Jis ne rakhi hai hamesha mire ghar bar ki laaj
Hashr mein bhi wohi rakhe ga gunahgar ki laaj
غزوۂ بدر ہو یا غزوۂ خیبر لوگو!
رب نے ہر بار رکھی حیدری تلوار کی لاج
Ghazwa-e-Badar ho ya Ghazwa-e-Khyber logo!
Rab ne har bar rakhi Haidari talwar ki laaj
ترے فرمان پہ لبیک کہا تھا میں نے
کاش رہ جائے جہاں میں مِرے اقرار کی لاج
Tere farman pe labbaik kaha tha maine
Kaash reh jaye jahan mein mire iqrar ki laaj
تنگ دستی یہاں اِک جرم ہے اے ربِّ کریم
رکھنے والا ہے تُو ہی مفلس و نادار کی لاج
Tangdasti yahan ik jurm hai ai Rabb-e-Kareem
Rakhne wala hai tu hi muflis o nadar ki laaj
تیری توفیق سے جو کچھ بھی عبادت کی ہے
رکھنا محشر میں الٰہی مِرے اذکار کی لاج
Teri tofeeq se jo kuch bhi ibadat ki hai
Rakhna mahshar mein ilahi mire azkar ki laaj
حشر کے روز بھلا کون مجھے پوچھے گا
’’ہے ترے ہاتھ قیامت میں گنہگار کی لاج‘‘
Hashr ke roz bhala kaun mujhe poochhe ga
"Hai tere haath qayamat mein gunahgar ki laaj"
ربِّ عالم بھی ہے تُو ، قادرِ مطلق بھی تُو
نزع کے وقت رہے طاہرِؔ بیمار کی لاج
Rabb-e-Alam bhi hai tu, qadir-e-mutlaq bhi tu
Naz' ke waqt rahe Tahir-e-beemar ki laaj
Share This Naat
Share with friends and family
جس نے رکھی ہے ہمیشہ مِرے گھر بار کی لاج
طاہر سلطانی