نہیں ہے اس کے سوا کوئی اے خدا خواہش
ترے رسول پہ کردوں ہر اک فدا خواہش
Nahi hai is ke siwa koi ae Khuda khwahish
Tere Rasul pe kardein har ek fida khwahish
رہے ہمیشہ یہی قلب میں سدا خواہش
سجائوں حمد کی محفل یہ ہے دعا خواہش
Rahe hamesha yahi qalb mein sada khwahish
Sajaoun hamd ki mehfil yeh hai dua khwahish
خدا کی رحمتیں نازل اسی پہ ہوتی ہیں
’’خدا کی رکھتا ہے جو بندۂ خدا خواہش‘‘
Khuda ki rehmatain nazil isi pe hoti hain
“Khuda ki rakhta hai jo bandah e Khuda khwahish”
میں دائیں ہاتھ کی صف میں کھڑا ہوں محشر میں
یہی ہے دل میں ہمہ وقت اے خدا خواہش
Main dayein hath ki saf mein khada hoon mahshar mein
Yahi hai dil mein hama waqt ae Khuda khwahish
خدا کے بندوں کی خدمت شعار ہوجائے
ملے جہاں میں خدا کی ہمیں رضا خواہش
Khuda ke bandon ki khidmat shi'ar hojaye
Mile jahan mein Khuda ki humein raza khwahish
بروز حشر نگاہِ کرم وہ فرمائیں
شفاعتِ شہِ بطحا ہو رہنما خواہش
Baroz e hash'r nigah e karam woh farmaien
Shafaat e Shah e Bat'ha ho rahnuma khwahish
بنے لحد مری مکّے میں یا مدینے میں
رہی زبان پہ بن کر یہی دعا خواہش
Bane lahd meri makke mein ya Madine mein
Rahi zuban pe ban kar yeh dua khwahish
مدام ارماں ہے طاہرؔ کا اک یہی دل میں
کہ حج کا فرض ادا ہو ، ہے اے خدا خواہش
Madam armaan hai Tahir ka ek yahi dil mein
Ke haj ka farz ada ho , hai ae Khuda khwahish
Share This Naat
Share with friends and family
نہیں ہے اس کے سوا کوئی اے خدا خواہش
طاہر سلطانی