جس دِل وچ عشق مُحمد دا اُس دِل وچ نور آجاندا اے
جدوں لیے نام محمد دا محفل نوں سُرور آجاندا اے
Jis dil vich ishq Muhammad da us dil vich noor a janda ae
Jadon liye naam Muhammad da mehfil nu suroor a janda ae
میں طور دی عظمت من دا ہاں پر وکھری اے شان مدینے دی
جدوں ٹُریئے شہر مدینے نوں ہر قدم تے طور آجاندا اے
Main toor di azmat man da haan par vakhri ae shaan Madine di
Jadon turiye shehar Madine nu har qadam te toor a janda ae
جہنوں مل جائے قربت سوہنے دی اوہ نیڑے رہدے ہو جاندا
جو ہووے دُور محمد توں اوہ رب توں دور آجاندا اے
Jehnu mil jaye qurbat sohne di o neede rahnde ho janda
Jo howe door Muhammad ton oh Rabb ton door a janda ae
جد سنئے قصہ کربل وچ سید تے ورھدیاں تیراں دا
حُبدار دی اکھ وچ ہنجواں دا سیلاب ضرور آجاندا اے
Jad suniye qissa Karbala vich Syed te varhdiyaan teeraan da
Hubdaar di akk vich hanjwaan da silaab zaroor a janda ae
اوہدے حکم تھیں سورج مُڑدا اے چن ٹوٹے ہو کے جُڑدا اے
اُہدا حکم ہووے تے پتھراں نوں بولن داشعور آجاندا اے
Ohde hukam thain sooraj murda ae chan toote ho ke jurrda ae
Uhda hukam howe te pathraan nu bolan da shaoor a janda ae
جد ویکھاں اپنے جُرماں نوں میں صائم ڈب ڈب جاندا ہاں
جد ویکھاں اُسدی رحمت نوں جُرماں تے غرور آجاندا اے
Jad vekhan apne jurmaan nu main Sa'im dab dab janda haan
Jad vekhan usdi rehmat nu jurmaan te gharoor a janda ae
Share This Naat
Share with friends and family
جس دِل وچ عشق مُحمد دا اُس دِل وچ نور آجاندا اے
علامہ صائم چشتی