جس دے پاروں کٹّے جاون روگ دوا کیہڑی اے
ہرا کرے جو ملّت والا باغ صبا کیہڑی اے
Jis de paaron katte javan rog dawa kehri ae
Hara kare jo millat wala baagh saba kehri ae
جیہڑا بخشے قوم تِری نوں دین دنی دی عزّت
محشر دیا شفیعا اوہ مقبوُل دُعا کیہڑی اے
Jihra bakshe qoom tari nu deen dini di izzat
Mahshar diya shafia oh maqbool duaa kehri ae
جس دے پاروں اِک مِک ہووے کھِلری پُلری اُمّت
کیہڑا طور طریقہ اے اوہ مہر وفا کیہڑی اے
Jis de paaron ik mik hove khilri pulri ummat
Kehra tor tareeqa ae oh mehr wafa kehri ae
جس دا ہر ہر قطرہ جگ نوں اِکّو رنگ وِچ رنگے
مے اوہ ہوش اڈاون والی وِچ دُنیا کیہڑی اے
Jis da har har qattra jag nu ikko rang vich range
Mai oh hosh udavan wali vich duniya kehri ae
جس دے پاروں منزل دے ول قافلہ ساڈا رلکے
اوہ ناقہ کیہڑا اے اوہ پُر سوز درا اکہیڑی اے
Jis de paaron manzil de wal qafila sada ralke
Oh naqa kehra ae oh pur soz dara kehri ae
ساڈیاں فریاداں وِچ باقی نہیں رہیاں تاثیراں
قوم دے دل نوں کر دیوے جو موم صدا کیہڑی اے
Sadiyan faryadaan vich baaki nahi rehiyan taseeran
Qoom de dil nu kar deve jo mom sada kehri ae
جگ دیاں لوکاں نوں اے اپنی دولت تے بھرواسا
ساڈی آس اُمید تِرے بن دس شاہا کیہڑی اے
Jag diyan lokan nu ae apni dolat te bharwasa
Saadi aas umeed tire bin das shaha kehri ae
بدلا رحمت والیا! ساڈے کھیت نی اُجڑن والے
جہڑی تینوں نال لیا وے دس اوہ وا کیہڑی اے
Badla rehmat waliya! Sade khett ni ujdan wale
Jehri tainu naal liya ve das oh waa kehri ae
سُلطاناں دیاں شاناں رکھّن جنّہاں دیا گدائیاں
جھوک فقیراں والی جگ تے ہُن آقاؐ کیہڑی اے
Sultanan diyan shanan rakhan jinnaan dia gaddaiaan
Jhok faqeeran wali jag te hun aaqa ﷺ kehri ae
ایسے رنگاں والی جھوک دا دس دے سِبھ نوں رستہ
اِس محفل کرماں والی دا سَبھ نوں کر دیوانہ
Aise rangan wali jhok da das de sabhh nu rasta
Is mehfil karmaan wali da sabhh nu kar deewana
Share This Naat
Share with friends and family
جس دے پاروں کٹّے جاون روگ دوا کیہڑی اے
حفیظ تائب