جہڑے دل اندر یاد سجن دی اوس دل نوں چین قرار کتھے
اکھاں رودیاں نیں زار و زار کتھے سوہنے نبی دا پاک دربار کتھے
Jehray dil andar yaad sajn di os dil nu chain qarar kithe
Akhain rudeeyan ne zaar o zaar kithe sohnay Nabi da paak darbaar kithe
جنت اوہ جنت نیکاں بندیاں دی گنہگاراں لئی ایہہ بہشت کھلا
بھلا اوس فردوس دے محل کتھے تے مدینے دے در و دیوار کتھے
Jannat oh jannat neikan bandiyan di gunahgaaran laee eh behtsh khula
Bhala os firdos de mehal kithe te Madinay de dar o deewaar kithe
جہڑی دھرتی نکاری سی جگ اندر اوس دھرتی تے رب نوں پیار آیا
بدّل ظلمتاں دے چھائے ہر پاسے وسے رحمت دے ویکھ انوار کتھے
Jehri dharti naakari si jag andar os dharti te Rab nu pyar aaya
Badal zulmatan de chaye har paase vase rehmat de wekh anwaar kithe
دشمن آؤندے چل کے وچہ قدماں سوہنا چادراں ہیٹھ وچھا دیندا
اوہدے خُلق نے خلقتاں موہ لیاں اوہدے فیض دا ہووے شمار کتھے
Dushman aunday chal ke vich qdmaan sohna chadraan heeth vichha deynda
Ohde khulk ne khalqatan moh liyan ohde faiz da howay shumaar kithe
نور بشر دے ایہہ تمام جھگڑے عقل کولوں تمام نہ ہوسکے
عشق ویکھیا شبِ معراج اندر جبرئیل کتھے تے سرکار کتھے
Noor bashar de eh tamam jhagray aql kolon tamam na hosakay
Ishq wekhya shab-e-mairaaj andar Jibraeel kithe te Sarkar kithe
مالک ہووے لولاک دا آپ سوہنا مَیں قربان ظہوریؔ غم خواریاں توں
پائی قاب قوسین دی جگہ کتھے روون لئی حرا دی غار کتھے
Malik hovay Lolak da aap sohna main qurbaan Zahoori gham khiwarian to
Payi qaab qosain di jagah kithe rowan laee Hira di ghaar kithe
Share This Naat
Share with friends and family
جہڑے دل اندر یاد سجن دی اوس دل نوں چین قرار کتھے
محمد علی ظہوری