جے چمکے میری قسمت دا ستارا
کراں میں تیرے روضے دا نظارا
Je chamke meri qismat da sitara
Karan main tere roza da nazara
میں کیوں سجدے کراں غیراں دے دَر تے
مینوں کافی تِرے در دا سہارا
Main kyu sajde karan ghairan de dar te
Mainu kafi tire dar da sahara
سُنے جاندے نہیں لوکاں دے طعنے
کرو حضرت مرے درداں دا چارا
Sune jande nahin lokan de taane
Karo Hazrat mere dardan da chara
جے اِک واری کرم دی جھَات پاویں
مِری کشتی نوں مِل جاوے کنارا
Je ik wari karam di jhaat paaven
Meri kashti nu mil jaave kanara
خطاواں میریاں نوں کون ویکھے
جے ہووے تیری رحمت دا اشارا
Khatawan meriyan nu kaun vekhe
Je hove teri rehmat da ishaara
مِری تربت اتے پاویں جے پھیرا
میں کیوں زندہ نہ ہو جاواں دو بارا
Meri turbat ute paaven je phera
Main kyu zinda na ho jawan do bara
مَیں اعظؔم کیوں نہ اوسے درتے جاواں
جتھے ہووے دو عَالم دا گزارا
Main Aazam kyu na ose darte jawan
Jithe hove do alam da guzara
Share This Naat
Share with friends and family
جے چمکے میری قسمت دا ستارا
محمد اعظم چشتی