درسِ سرور سے ہوئی جب شانِ انسانی بلند
اہلِ ایماں نے فرازِ عرش پر ڈالی کمند
Dars-e-sarwar se hui jab shan-e-insani buland
Ahl-e-iman ne faraz-e-arsh par dali kamand
اس کو حاصل ہو نہیں سکتی رضائے کبریا
جو نگاہِ مصطفیٰؐ میں ہوگیا ہو نا پسند
Is ko hasil ho nahi sakti raza-e-kibriya
Jo nigah-e-Mustafa (S.A.W) mein hogaya ho naa pasand
جب دیا آقاؐ نے حیدر کو علم اسلام کا
غزوۂ خیبر میں لوٹے ہو کے حیدر فتح مند
Jab diya aqa (S.A.W) ne Haider ko ilm Islam ka
Ghazwa-e-Khyber mein lute ho ke Haider fatah mand
شہ کے دیوانوں نے ناممکن کو ممکن کر دیا
محوِ حیرت ہو کے تکتے رہ گئے سب ہوش مند
Shah ke diwanon ne namumkin ko mumkin kar diya
Mahw-e-hairat ho ke takte reh gaye sab hoshmand
میرے آقاؐ کی شفاعت کا نہیں جس کو یقیں
بالیقیں اس کے لیے ہے بابِ قصر خلد بند
Mere aqa (S.A.W) ki shafaat ka nahi jis ko yakeen
Ba-yaqeen us ke liye hai baab-e-qasr khald band
اس کے حق میں بھی زبانِ پاک سے نکلی دعا
جس عدو نے رحمتِ عالم کو پہنچائی گزند
Is ke haq mein bhi zuban-e-pak se nikli dua
Jis adu ne rehmat-e-alam ko pohnchai gazand
اے صحابہ کے غلامو! راہِ سنّت پر چلو
اتّباع سرورِ دیں تھی صحابہ کو پسند
Ae sahaba ke ghulamo! raah-e-sunnat par chalo
Ittiba sarwar-e-deen thi sahaba ko pasand
حُبِ آقائے جہاں کا اس کا دعویٰ ہے غلط
آل و اصحابِ نبیؐ کو جس نے پہنچائی گزند
Hub-e-aqa-e-jahan ka us ka dawa hai ghalat
Aal o ashab-e-Nabi (S.A.W) ko jis ne pohnchai gazand
نعت گوئی کے شرف پر کیوں نہ ہو احسؔن کو ناز
یہ سعادت آخرت کے واسطے ہے سود مند
Naat goyi ke sharf par kyun na ho Ahsan ko naaz
Ye saadat aakhrat ke wastay hai sood mand
Share This Naat
Share with friends and family
درسِ سرور سے ہوئی جب شانِ انسانی بلند
احسن اعظمی