جبینِ شوق ان کے آستانے پر جھکی ہوگی
وہ دن آئے گا تکمیلِ مذاقِ بندگی ہوگی
Jabeen-e-shauq un ke aastane par jhuki hogi
Woh din aayega takmeel-e-mazaaq-e-bandagi hogi
سدا حدِ نظر میں ہی رہے یہ گنبد خضریٰ
مرے آقا مرے سرکارؐ بندہ پر وری ہوگی
Sada had-e-nazar mein hi rahe ye gunbad-e-khazra
Mere aaqa mere sarkar ﷺ banda parwari hogi
اجل آکر سُنائے آپ کے دیدار کا مُژدہ
خوشی سے جان دیں گے سامنے جب زندگی ہوگی
Ajal aakar sunaaye aap ke deedaar ka mujda
Khushi se jaan denge samne jab zindagi hogi
میں سمجھوں گا مری فریاد بھی سرکارؐ تک پہنچی
مری سرکارؐ کے روضے پہ جس دن حاضری ہوگی
Main samjhoon ga meri faryaad bhi sarkar ﷺ tak pahunchi
Meri sarkar ﷺ ke roza pe jis din hazri hogi
دلوں کو نورِ عشق مُصطفےٰ سے جگمگا لیجئے
یہ کا م آئے گا مرقد میں اسی سے روشنی ہوگی
Dilon ko noor-e-ishq-e-mustafa se jagmaga lijiye
Ye kaam aayega marqad mein isi se roshni hogi
سکونِ دل میّسر ہو نہیں سکتا زمانے کو
نہ جب تک دامنِ سرکار ؐ سے وابستگی ہوگی
Sukoon-e-dil mayassar ho nahi sakta zamane ko
Na jab tak daaman-e-sarkar ﷺ se wabastegi hogi
ہماری بے سرو سامانیوں کے لاج رکھ لینا
کہیں رُسوا نہ ہو جائیں بڑی شرمندگی ہوگی
Hamari be-sar-samaniyoon ke laaj rakh lena
Kahin ruswa na ho jayein badi sharmindagi hogi
تمہیں محسوس ہوگی لذتِ سجدہ دمِ سجدہ
جو عشقِ ساقئِ کوثرؐ کی دل میں چاشنی ہوگی
Tumhein mehsoos hogi lazzat-e-sajda dam-e-sajda
Jo ishq-e-saqi-e-kosar ﷺ ki dil mein chaashni hogi
یہ ان کے در پر سر رکھ کر کہوں گا ایک دن خالدؔ
یہ ہے آدابِ حُسنِ بندگی یوں بندگی ہوگی
Ye un ke dar par sar rakkar kahunga ek din Khalid
Ye hai aaadab-e-husn-e-bandagi yun bandagi hogi
Share This Naat
Share with friends and family
جبینِ شوق ان کے آستانے پر جھکی ہوگی
خالد محمود خالد