جب موذّن چھیڑتا ہے سلسلہ تکبیر کا
تَیر جاتا ہے فضاؤں میں لہُو شبیّر کا
Jab moazzin chhairta hai silsila takbir ka
Tair jaata hai fazaon mein lahoo Shabbir ka
دِین کی بنیاد جو اپنے سروں پر رکھ گئی
سِیکھ لو اُس آلِ پیغمبر سے ڈھب تعمیر کا
Deen ki bunyad jo apne saron par rakh gayi
Seekh lo us aal-e-paighambar se dhab tameer ka
اُس سے پُوچھو مر کے ہو جاتے ہیں زندہ کس طرح
گھونٹ ڈالا جس کی شہ رگ نے گلا شمشیر کا
Us se poochho mar ke ho jaate hain zinda kis tarah
Ghoont daala jis ki sheh rag ne gala shamشير ka
گرتے گرتے بھی سنبھا لا دے گیا اِسلام کو
آخری ہچکی سے کام اُس نے لِیا شہتیر کا
Gir kar bhi sunbhala de gaya Islam ko
Aakhri hichki se kaam us ne liya shahtir ka
صبر کی ضربیں لگا کر زیدؔ کے فرزند نے
توڑ ڈالا حلقہ حلقہ ظلم کی زنجیر کا
Sabr ki zarbay laga kar Zaid ke farzand ne
Toar daala halqa halqa zulm ki zanjeer ka
اے مرے قرآن پڑھنے والو اُس کو بھی پڑھو
اِک صحیفہ وہ بھی ہے قُرآن کی تفسیر کا
Ae mere Quran parhne walo us ko bhi padho
Ek saheefa woh bhi hai Quran ki tafseer ka
کیا بصیرت تھی مظفّؔر ابنِ شہرِ عِلم کی
اپنے ہاتھوں سے لِکھا ہر فیصلہ تقدیر کا
Kya baseerat thi Muzaffar ibn-e-shehr-e-ilm ki
Apne hathon se likha har faisla taqdeer ka
Share This Naat
Share with friends and family
جب موذّن چھیڑتا ہے سلسلہ تکبیر کا
مظفر وارثی