جاں آبروئے دیں پہ ٖفدا ہو تو بات ہے
حق عشقِ مصطؐفےٰ کا ادا ہو تو بات ہے
Jaan aabru-e-deen pe fida ho to baat hai
Haq ishq-e-Mustafaؐ ka ada ho to baat hai
ہر لحظہ دل میں یادِ رسولِؐ انام ہو
ہر دم لبوں پہ صلِّ علیٰ ہو تو بات ہے
Har lahza dil mein yaad-e-Rasoolؐ-e-INaam ho
Har dam labon pe sall-e-Ala ho to baat hai
سرکارؐ کی رضا میں ہے اللہ کی رضا
ہر دم رضا رسولؐ کی چاہو تو بات ہے
Sarkarؐ ki raza mein hai Allah ki raza
Har dam raza Rasoolؐ ki chaho to baat hai
دیتی ہے یہ پیام ہوائے دیارِ پاک
عشقِ نبیؐ عمل کی بِنا ہو تو بات ہے
Deti hai ye payaam hawa-e-diyar-e-paak
Ishq-e-Nabiؐ amal ki bina ho to baat hai
ہر منزلِ حیات میں پیشِ نگاہِ شوق
ارشادِ خواجہؐ دوسرا ہو تو بات ہے
Har manzil-e-hayat mein paish-e-nigaah-e-shauq
Irshaad-e-Khwajaؐ dosra ho to baat hai
خیر الا مم کی شان سے ہم سب ہیں سرفراز
انسانیت کا ہم سے بھلا ہو تو بات ہے
Khayr ul umam ki shaan se hum sab hain sarfaraz
Insaaniyat ka hum se bhala ho to baat hai
Share This Naat
Share with friends and family
جاں آبروئے دیں پہ ٖفدا ہو تو بات ہے
حفیظ تائب