عشقِ شاہِ دوسرا کی ابتدا صدیق ہیں
عاشقانِ شاہِ دیں کے مقتدا صدیق ہیں
ishq-e-shah-e-dosra ki ibtida siddiq hain
aashiqan-e-shah-e-deen ke muqtada siddiq hain
ایک اشارے پر تصدق مال سارا کر دیا
مصدرِ ایثار ہیں، سب سے جدا صدیق ہیں
ek ishaare par tasadduq maal sara kar diya
masdar-e-eesar hain, sab se juda siddiq hain
سب کو بدلہ دے دیا میں نے، کہا سرکار نے
جس کے احساں کی جزا دے گا خدا صدیق ہیں
sab ko badla de diya maine, kaha sarkar ne
jis ke ehsan ki jaza de ga khuda siddiq hain
نرم خو، اہلِ وفا، علم و عمل کی آبرو
منبعِ صبر و رضا صدق وصفا صدیق ہیں
narm khoo, ahl-e-wafa, ilm o amal ki aabroo
manba-e-sabr o raza sidq o safa siddiq hain
سانپ ڈستا رہ گیا نظریں رہیں سرکار پر
سرورِ کونین پر ایسے فدا صدیق ہیں
saanp dast'a rah gaya nazrein rahin sarkar par
sarwar-e-konain par aise fida siddiq hain
دیکھتے رہتے علی کے روئے پر انوار کو
طاعتِ سرکار میں یوں خوش ادا صدیق ہیں
dekhtay rahte ali ke roaye par anwaar ko
ta'at-e-sarkar mein yun khush ada siddiq hain
برملا فرما دیا سرکار نے اشفاق جی
سب سے افضل شخص بعدِ انبیا صدیق ہیں
barmila farma diya sarkar ne ashfaq ji
sab se afzal shakhs baad-e-anbiya siddiq hain
Share This Naat
Share with friends and family
عشقِ شاہِ دوسرا کی ابتدا صدیق ہیں
اشفاق احمد غوری