عشق دیاں اگاں نئیوں لائیاں جاندیاں
لگ جان پھیر نئیں بجھائیاں جاندیاں
Ishq diyan agan naiyon laiyan jandiyan
Lag jaan pher naeen bujhiyan jandiyan
گل ہے ضرور کوئی سوہنے اپروں
ایویں تے نئیں دولتاں لٹائیاں جاندیاں
Gal hai zaroor koi sohne uparon
Aewen te naeen doltan lutaian jandiyan
عشق دے سکول عاشقاں نوں ویکھیا
وکھریاں کتاباں نے پڑھائیاں جاندیاں
Ishq de school aashkan noon vekhia
Vakhrian kitaban ne parhaiyan jandiyan
کسے دیاں شاناں جے ودھائیاں رب نے
کسے دے گھٹائیاں نئیں گھٹائیاں جاندیاں
Kise diyan shanan je vadhaiyan Rab ne
Kise de ghataiyan naeen ghataiyan jandiyan
عشق دی کٹھانی وچہ میں مار کے
غیر کتے رنگتاں چڑھائیاں جاندیاں
Ishq di kthani wich main maar ke
Ghair kithe rangtan charhaiyan jandiyan
اللہ دے کرم دیاں ہوں بارشاں
جتھے کتے محفلاں سجائیاں جاندیاں
Allah de karam diyan hon barishan
Jithhe kithe mehfalan sajaiyan jandiyan
گھر بار وار کے حسین دسیا
اپنیاں کدے نئیں منائیاں جاندیاں
Ghar bar waar ke Hussain dasya
Apniyan kade naeen manaiyan jandiyan
اونہاں دیاں لذتاں عجیب دیکھیاں
نظراں دے نال جو پلائیاں جاندیاں
Onhan diyan ladhatan ajeeb vekhiyan
Nazran de naal jo pilaiyan jandiyan
چہرہ ہندا یار دا نگاہواں سامنے
ایویں تے نئیں گردناں کٹائیاں جاندیاں
Chehra hunda yaar da nigahawan samne
Aewen te naeen gardan katyaiyan jandiyan
سعدیہ دے حصے سی حضور آوناں
بھاویں سارے جگ دیاں دائیاں جاندیاں
Saadiya de hisse si Huzoor aanwan
Bhaween saare jag diyan daiyan jandiyan
تن من وار دے نیازی یار توں
گھروں تیرے نئیوں بادشائیاں جاندیاں
Tan mann waar de Nyazi yaar toon
Gharaan tere naiyon badshaiyan jandiyan
Share This Naat
Share with friends and family
عشق دیاں اگاں نئیوں لائیاں جاندیاں
عبدالستار نیازی